ابغي نصيحتكم جزاكم الله ألف خير

السلام عليكم ورحمة الله وبركاته

بنات شو رايكم انا قبل كم شهر كنت بسوي حفلة الخطبة وحجزت استديو سنيوريتا بس للاسف يدتي توفت الله يرحمها واجلنا الحفلة والحين ان شاء الله عقب العيد بسوي حفلة الملجه فشو رايكم هل اكمل حجزي للاستديو هذا ولا اغير الاستديو علما اني دافعه العربون نص المبلغ وفي حاله اني ابغي الغي الحجز ما بيرجعون لي غير نصف المبلغ اللي دفعته

الصراحه انا كل ما اشوف الفاتورة اضايق واتذكر المأساه والفاجعه اللي اصابتنا في وفاه يدتي والصراحه تشائمت من هالاستديو لاني اول ما حجزت عندهم بعد فتره يدتي مرضت ويوم أجلنا موعد الحفلة سرت دفعت لهم بيزات حق التأجيل وعقبها بفتره يدتي توفت عشان شي شو تنصحوني هل اكمل حجزي عندهم ولا احجز مكان ثاني وشو رايكم في استديو فوتو ماجيك؟ هل تنصحوني احجز عن هذا الاستديو

دعواتكم ان الله يسهل اموري ويتم موضوعي على خير

الله يرحم يدتج وبعدين الاستديو ما يخصه هذا قدر ومكتوب وبالنسبه لسنيورتا تصويرهم حلو مصورين اختي في ملجتها بس الجرافيك نص ونص يعني لاتحتاتين التصوير بس انتي اختاري الجرافيك لاتصوير

اختي مشكورة على مرورج الكريم بس اتعرفين كل ما اشوف الفاتورة اصيح لان كنا حاطين عنوان بيت يدتي في الفاتورة فكل ما اشوف الفاتورة اصيح ما اعرف شو اسوي ياختي محتاره وايد

الله يرحم يدتج ان شاء الله

مادري يااختي شوو اقوولج .. بس اذا تبين اتغيرين الاستوديو غيري

شو في شو اللي بيريحج وسويه

والله يوفقج حبيبتي

اختي اشواق بدو وبشاري مشكورات حبايبي على مروركن الكريم ، ما اعرف شو اسوي وانا في الموقف هذا بس بعد خشاره البيزات اللي دفعته وفي نفس الوقت ابغي اسوي في استديو ثاني بس هل تنصحوني في فوتو ماجيك اذا ينفع وتصويرهم حلو ولا لا؟

والله اختي سنيوريتا ما عليهم كلااام وتصوييرهم روعه والبوماتهم روعه وشغلهم اروع

انا يبتهم لعرسي وطريقة الألبووم واايد روعه كانت ^^

نصيحه مني خلج معاهم ^^

الله يرحم يدتج بس اختي موضوعج المفروض يكون في قسم العرايس مب في قسم المشكلات الاجتماعيه لان العرايس بيفيدونج اكثر بخصوص التجهيزات والاستوديو..وبالنسبه لوفاة يدتج والاستوديو فهذا قدر ومكتوب وكل شي بيد رب العالمين والله يرحم جميع موتى المسلمين