أسعد الله أوقاتكن جميعاً,,
هذه قصيدة لشاعر قادم بقوه,,
شاعركالمُخرج,,,,يجعلك تعيش القصيده من أولها لأخرها بجميع الحواس..
وكأنك تشاهد فلم حزين وليست مجرد كلمات مصفوفه ,,
بقوه تصويره في المشاهد..حتى ولو انها من الخيال,,
اخليكم مع القصيده:
أبد..ماجيت أبـارك ..ولكـن جيـت باوصّيـك
على اللـي نـاويٍ تدخـل بهـا الليله..مُعذبّتـي
ترى لولا الظروف اللي عطتك.. وحدت محاكيك
قسـم بالله ماتدخـل بهـا لـو علـى رقبـتـي
ولكنّ (النصيب) اقوى ولا ادري ويش اسوّي فيك
نعم..صـارت مع**تك..ولاصـارت مع**تـي
كذا ..شاءت بنا (الأقدار) تحرمني لجل تعطيـك
كذا لازم عشان تفـوز إنت..أخسـر بتجربتـي
تراهـا غاليـه جدا..وتكـفـى..والله يخلـيـك
تدللها..تدلعها..تنـسّـيـهـا مصـاحـبْـتـي
أنا من كثر مااغليها أحس اني بديت أغليـك..!!
ولا تسـأل بأيّـة حـق؟ ولاّ وش مناسبـتـي؟
لإنك لـو بتسألنـي بتسمـع شـي مايرضيـك
لـذا ياخـوي لا تسـأل ولا تسمـع لأجوبتـي
أبيك تحطها في داخـل عيونـك وبيـن إيديـك
وهي دلوعـه اعتـادت علـى كثـرة مداعبتـي
فداعبها شوي شـوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي
واذا هي مالها خلقك..ولا تضحـك ولا تسلّيـك
تحملهـا وإسألهـا: ياعمـري ليـه عصبتـي؟
وبالك أسمع انّك يوم تضربهـا وهـي تشكيـك
مايحتاج اورّي لـك بفـن الضـرب موهبتـي
صحيح انك بتملكهـا ومعـك العقـد بالتمليـك
وانا عارف(حـدود الله) ومـن حقـك معاقبتـي
ولكن قلّها (المجنـون) وصّانـي وهـو يعنيـك
يقول: إنـه بينتظـرك ولـو شيّـب وشيّبتـي
وانا مجنونها اللـي مانساهـا وانـت مايمديـك
تغطّي ذكرياتي في هواهـا.. وربـع تجربتـي
أحس اني تماديـت بكلامي..والغضـب حاديـك
لو انّك فـي مكانـي ماتفكّـر فـي محاسبتـي
كفاك اني تركت الليله اشغالـي عشـان اجيـك
دخلت القاعه برجلي ولا أدري ويش (عاقبتـي)
وانا ماجيت اخرّب عرسـك الليلـه ولا أذيّـك
أنا جيتك عشـان اخاطبك..وإسمـع مُخاطبتـي
توصى..وإنتبه..وإحـرص عليهـا والله يهنيـك
ترى كل الكلام اللي طلع مـن ضيقـي وكبتـي
ولكن ماقـدرت إنـي أقولـه وانـت مايخفيـك
اخاف اني إذا قلتـه :تقـوم (وتقطـع رقبتـي)
للشاعر / محمد الشهري
وسلامة قلوبكم
أختكم
ماسة شرجاويه
ننتظر المزيد من ذائقتكِ الجميلة
أرق تحية لكِ
دمتِ بكل ود