ما اعرف كيف ابدا اوشو اكتب من الضيق الي في قلبي العيد ياي وهذا رابع عيد انا ما اجهزله لا تقولون ابالغ هذي هي الحقيقه والواقع والسبب هو زوجي ,قبل كل عيد يتحجج بانها ماعندهوراعيني والعيد الياي انا اعوضج بس كل كلام في كلام واتذكر آخر عيد صدق حسيةفيه وكنت مستانسه لما كنت في بيت اهلي يعني قبل ما اتزوج كان ابوي على امكانيته المحدوده مايقصرمعانا وكنا5 خوات لازم يوم العيد كل شي يديد وجاهز ومن احسن شي . لكن من عرسة سنه عن سنه انسى حلاوة العيد حتى عيالي مايعرفون شو يعني العيد الحمد الله .لان دايما ريلي يتحجج بانها ماعنده فلوس وهذا العيد حجته اكبر لانه بتفنش من الشغل يعني بعد مافي تجهزات للعيد عشان انوفر الفلوس لشهر الي بعده الله وعلم شيكون مصيرنا بعدين خاطري مثل الناس افرح صرت ما اسال حد عن شي خوفي عليهم من الحسد ,بتقولون كلمي اهلج او كلمي اهله بس ماشي فايده والكل ينصح بعدم الطلاق عشان العيال ,احس اني بنفجر من الهم والغصه ما اعرف شو اسوي وانا افكر في الايام اليايه بتحمل ولا له لانها ماراح يكون عندها مدخول شهري وحتى كنت انامحوشه 600 درهم عشان اشتري لفسي اغراض العيد واتحنه بس الحين ما اقد اصرف ولا درهم خليته عشان الضروره وهو مايعرف انا عندي فلوس
ابي منالي يقرون مشكلتي لا يفهمون اني محتاجه مساعده انا اهلي الحمدالله مايقصرون معاي والله يغنيهم بس اريد افضفض فيني صرخه وصيحه اريد حدينصحني ويدعي لي والله يفرج همي يمكن انا ماكتبت الا القليل بس ابي اكلم حد وحط راسي على صدرها واصيح
يارب اتفرج همي دعواتكم يا خواتي
والسموحه عاى الاطاله.
لا تفكري بسلبية في الموضوع اي شي قليل تقدري تسويه وتفرحي به انتي وعيالج صدقيني بيستانسون خصوصا اذا سويتي شي جديد عليهم
ولا تفكرين بالطلاق اذا مب عشانج فعشان عيالج شو ذنبهم يتشردون هم ببيت وابوهم ببيت ثاني
استخيري ربج واقرئي القرأن بصدق وقلب صافي صدقيني ربي بيرزقج من حيث لا تحتسبين وبتعيشي فرحة العيد ما كنتي تفكرين فيها
ربي يعينج ويخفف عند يارب
تذكري الناس الي حالهم اخس عنج والله يا اختي انه في ناس مايعرفون باجر بيقدرون ياكلون ولا لا ..
الحمدلله على كل حال .. والله يمتحن عباده الي يحبهم وهذا امتحان يا اختي صبري وبيفرجها ربنا
بس حاول ادورين حلول اشتغلي مثلا .. هالشي بيساعد
بس اذا ريلج كان بس يتحجج من بخله ولا شي فالله عليه ويهديه انشالله وانت لا تسكتين عنه مب عشانج عشان عيالج حرام يحسون انهم اقل من غيرهم ويكبرون وعندهم احساس بالنقص
واذا زوجج ظروفه صعبه لازم ترضين وتحاولين تصبرين لين ربج يفرجها والقناعه كنز لايفنى
وفي ناس حالهم اكثرمنج بس صابرين وحاولي تشترين لعيالج اول لانهم اولى منج
يعني فرحتهم بتكون اكبروربي يصبرج