والله اني متضايجه انا مخطوبه من 4 شهور وخطيبي ع قولة امي بخييييييييل اول مرة لما يه بيتنا يابلي عطور وهالسوالف وثاني يوم طاااااااااااف بس يه ويلس شوي وراح
حتى شبكتي مايابها الا عقب الملجه بشهرين والدبلة لين الحين مايابها انا بروحي شريت لي دبله وقلت لهم ان هو اللي يابها بس هو مايعرف وهو الحين من شهرين مايه بيتنا وكل مااقوله تعال يقول مشغول ماعندي اجازة ومصروفي يعطيني 500 وبنت خالي ريلها يعطيها 1000 كل شهر وحتى بنت عمتي ريلها يعطيها 1000 والحين من شهرين ماعطاني والله ماعرف شو اسوي
وامي كل يوم تقول ريلج هذا بخيل حتى مصروفج مايابه وحتى دراستي ما اقدر اركز فيها
وعساه خيير
الله يعينج عليه ويصبرج
أول شي ربي يوفقج ويسر أمورج على خير ,, وماخاب من استخار ^_*
غاليتي ^_^ ,, ليـــش لقبتي ريلـــج بالبخيـــل وهو ماشاء الله يعطيج مصروف !
مب ضروري فديتـــج يأزم نفسه عسب يطيج ألاف شرات غيره
انتي الحينة داشة على زواج ولازم غاليتي لازم لازم انـــج عمـــــــــرج ماتقارنيـــن ريلج بغيـــره
وإلا بينفر منج فديتج من أوول زواجكـــم
الريـــال الحمدلله يصرف عليج بالي يقدر عليه ,, وانتي مب عارفة الهم الي هو شايلل براسه يفكر بالعرس والبيت والحرمـة والعيال !
الرياييل يفكرون بعيد مب شرات الحريم الي يوم تسمع عرس تفكر بالفلوس والصالون والمكياج والتجهيـــز ..
لإننا شاعريين وماديــــين للأسف (الاغلبيـــة ) فمــانراعي الريال ونتم نضغط عليه ,, لين ياخذ غيرنـــأ لا سامح الله ونتم نتحسر !
شوي شوي على الريـــال فديتـــج ,, وأهم وسيلـــة لمناقشة مشكلتج هو الحوار الايجابـــي مع ريلـــج نفســـــه
أنــا صراحـــة أشوف مصروفج زيـــــــــــن ,, وأحسن عن ولا شـــي ^_^
والريـــال إذا ما يا بيتكم خيتو مايخصــعه في البخـــل !
يمكـــن يستحي أو مب متعود على زيارات ,, يمكن يوم يشوفج يدوخ ومايمســـك عمره قال خلي أقطعها لين يوم العرس وأرتاح … يمكـــن ويمكــ،ن ويمكـــ،ن الخلاصة
اعــــــــــــــذريـــــــه قبل لا تلوميـــه
صدقيني الي يمشي على خطى دينا يعيش سعادة مالها حدود ^_^
اعذري الريال وريحـــي قلبج
واستخيري شرات ماخبرتج ,, ترى اذا هذا الريال مب زين حقج رب العالميــن بيبعده عنج
واذا فيه خير فشوي شوي عالريـــال ^_^
وربي يوفقـــج ويسر أمورج غاليتي
وربي يييسرها عليج ويبعد الضيج عنج