السلام عليكن ورحمة الله وبركاته
متغصصه من عممممري
بنات والله مب لاقيه شي يوالمني
انقهر اشوف البنات يوم يتمكيجون يتم مكياجهم لساعات في الجامعه
ونا بس كشختي لساعه وحده بعد الساعه الكريم اساس يختفي ووواللخ الى ماخره
مع اني اطلع احلى منهن في اول الروحه
بس كل شي عندهم يثبت وعندي العكس
هذا وانا ناشدتنهم كريماتهم ومكياجهم عادي وأقل من العادي
وانا مكياجي والله بدون مبالغه مش بس ماركات شارتنه لا
اخذ اشياء من برع يعني جحالي مثلن ديور شارتنه على 30 باوند فوق 250 درهم
لكن تعالي شوفي لون الي يعطيني ولون جحال ربيعتيه الي ب 10 و 15 درهم !!
طاحوا من عيني كل اشيائي واتغصص وهلي يهونونها عليه اونه مالي مافيه رصاص ومايضر
ومن هالكلام الي مايفيدني
اكتشفت ان الغالي مايسوى والرخيص مليون مره احسن
واني ماعرف اختاااار شي
كل شي احطه على ويهي مال نص ساعه بسس
حتى والله احطي مرات كريم الاساس بدال مايبيضني يسمرني
خييبه حتى ماعرف اختار لون الي يناسبني
منقهره من عمري صندوق المكياج الي عندي فل
والاستخدام يعل القلب
والحين طايحين من عيني ولابي اتمكيج
ابي اخذ لي غيرهم لان خلاص ولاشي فيهم مايوالمني
والمصيبه اني ماعرف شو يناسبني
خصوصن ف الكريم اساس وااايد اعاني
انا احط بودرة وجحال وماسكرة وقلوس اذا طلعة خفيفة او زيارو عابرة بدووون مناسبة اما للمناسبات استخدم الميك اب الفل واي شي ءتبين انا حاضرة
اما عن كريم الاساس خبرينا عن بشرتج شو نوعها ؟؟دهنيه عااديه جاافه ؟؟ ممم فيها اثار حبوب او شي ؟؟؟
عسب نفييدج اكثر ..لان كل كريم وله نووع للبشره وعندج البودر نفس الشي ..خبرينا ان شاءالله كلنا ما بنقصر وياااج ..وبتطلعين الاموورة ^_*
المشاركة الأصلية كتبت بواسطة لوكل 
انا احط بودرة وجحال وماسكرة وقلوس اذا طلعة خفيفة او زيارو عابرة بدووون مناسبة اما للمناسبات استخدم الميك اب الفل واي شي ءتبين انا حاضرة
المصيبه اني ماعرف اختار البودره و الكريم المناسبين لبشرتي
انا بشرتي حنطاويه فاتحه
اصلن في كل حالات احطي فل ميك اب بس العوق بالكريم
ماجد حطيت كريم ووحد لون ويهي واحس به موحد
الا بعد ساعه راح
مايتم ولا يثبت
مشكوره يالغلا لاعدمتج ولاعدمت شورج استفدت من ردج
المشاركة الأصلية كتبت بواسطة بنوتة دلوعة اما عن كريم الاساس خبرينا عن بشرتج شو نوعها ؟؟دهنيه عااديه جاافه ؟؟ ممم فيها اثار حبوب او شي ؟؟؟
عسب نفييدج اكثر ..لان كل كريم وله نووع للبشره وعندج البودر نفس الشي ..خبرينا ان شاءالله كلنا ما بنقصر وياااج ..وبتطلعين الاموورة ^_*
مادري مايا على بالي يوم حطيت
امممممممم بشرتي مختلطه اعتقد او انه مايله للدهنيه
الحمدلله مافيها اثار وكمن حبه تروح وترد
وحنطاويه
مشكوووره حبيبتي ماتقصررين