ابي مساعدة سريعة فيزا المانيا

الغاليات —– ابوي حط على المسؤولية

باجر انا لازم اسير مكتب السفريات لجل التأمين عقب بسير السفارة الألمانية لأنها تخلص في أيام بس خبروني كيف أتصرف — يعني منو يساعد هناك —

انا عندي الطلبات بس خفت أغلط فيهم منو في السفارة بيعبيهم –في مندوب حتى لو بعطيه فلوس بس دلوني ؟؟بسسسسسسسسسسسسسررررررررررررعة

شوووووووووو ها ؟؟؟ يعني سويت بكم جريمة حد ير — ع الاقل ادعوا لي بالتوفيق

بتسيرين اي مكتب سفريات .؟؟

انا ودي اسافر بس للحين ماعرف شو من مكتب اسيرله

تكون برامجه السياحيه حلوة وسعرها مناسب ..

خلاص يا صدوفة قررتي تسافرين

شوفي حبيبتي انا ما ادري عن السفارة الالمانية بس يوم انا رحت السفارة الفرنسية يعطونج رقم تمين تترين دورج و بالنسبة للفورم عبيه عادي ترى كل شي واضح و لازم الاسامي تكون شرات ما هي فالجواز و اذا ما فهمتي شي اتخبري اي حد هناك و اكيد يوم تقدمين بيقولون لج ردي بعدين بس حبيبتي حاولي تروحين الصبح من وقت اظن يفتحون الساعة 8 و نص

عندنا في راك نحجز من مكتب جمال للطيران ويسويلنا الفيز شوفي المكتب عندكم وطبعا كلشي بثمنه
تعطيهم جوازج وصورتين و600 درهم على ما اعتقد
وسمحيلي

خواتي في بوظبي سفريات اسمها ارض العطلات واسعاره وايد حلوه

نحن سوينا الفيز في السفارة الإيطالية…….
لأن السفارة الألمانية إجراءاتهم معقدة ويتأخرون…
والطلبات سهل تعبينها….،، الأسامي مثل اللي في الجواز.. والتواقيع بعد…

بالنسبة للمكاتب نحن نتعامل مع بيت العطلات في بوظبي….

وبالتوفيق….