ابي منكم النصيحه قبل العرس

السلااااام عليكم خواتي

انا الحين مالجه وعرسي بعد اسوعين وعندي مشكله في حياتي ومرات احس اني مااقدر اكمل معاه والسبب هو عن امور العرس لاني انا احب اسوي كل شي مرتب في العرس مااحب حد يطلع من عرسي ويكون مضايق
ومشكلتي ان دووم يوم خطيبي يكلمني عن اموور العرس واذا شي ماعيبني اعصب واتضايج لان العرس في صالة زايد وانا مااحب اسوي فيها لان الكل يقولي صغيره ومش حلوه وهالكلام يضايقني…
وانا من طبعي احب اشوف كل شي اذا يعيبني ولا لا

والله تعبت

ربي يتمم لكم على خير ان شاءالله

وبخصوص الصاله والله ماعندي فكره عنها …ان شاءالله البنات يفيدونج

حبوبه ليش تضايقين هي الا قاعة افراح و خلاص

يعني مب لازم تكبيرن السالفه
خلي كل اهتمامج لبعد العرس كيف بتكون اموركم ان شاءالله
و لا تعصبين و لا شي
take it easy على ما يقولون

و الله يهنيج دووم يا رب

انزين حاولي وياه يغير الصاله
واذا لا خلاص عادي
هذوهم ربيعاتي اللي عرسن فيها الحمدلله مستانسات ومرتاحات
مايت على الصالة اهم شي انتي وطلتج كيف بتكونين…وريلج كيف بيشوفج
والله يوفقج
واحاولي تشغلين عمرج بنفسج واشقايل بتكونين..وخلج من الصاله الناس همها تتفرج وتاكل وتروح

ماعليج من كلام غيرج اهم شي انتي وهوه …

حبيبتي الله يباركلج و يوفقج , صدقيني اذا بتابعين كلام الناس بتتعبين , العرس كله مايتجاوز 6 ساعات بالكثير, بتمر مثل لمح البصر , أعرف ناس فلوسهم فلوس وسوو عرسهم فيها , أهم شي :
1 العروس ( شكلها و زفتها )
2 الربشه الربشه الربشه تونس اللي تعنى وحضرالعرس
و الله يبارك لكم ويهدي سركم

ربي يتمم لكم على خير ان شاءالله

وبخصوص الصاله والله ماعندي فكره عنها …ان شاءالله البنات يفيدونج