السلام عليكم ورحمه الله وبركاته
https://forum.uaewomen.net/showthread.php?t=677703
هذا رابط الموضوع الجديم الي حطيته من سنه تقريبااا
وهالموضوع يخص ربيعتي
الله يسلمكم ربيعتي انشالله بتسافر العمره مع اهلها جريب
بس
بعدها تفكر بالي صارلها اخر مره كانت فيها هناك اتحاتي وتوسوس تقولي مافي حد مايتمنى يروح
هالمكاان بس الي صارلي مب شويه وخايفه هالشي ينعاااد لانها اتعقدت وخاافت واايد وحاولت تنسى
الي صاار بس هيه موسوسه بشكل فظييع وانا اقولهاا ماعليج الرب لج حاافظ انشالله
تقولي والنعم بالله بس انا مش واثقه بالناس الي قلوبها ضعيفه
شو اسويلهاا بنااات ؟؟؟؟
أختي خبريها تستخير
وبإذن الله بترتاح أكثر اذا السفرة فيها خير
وحاولي تقنعينها ان الحياة اختبارات
ولو انسان استوت له تجربـة مب حلوة مرة في حياته
مب معناتها النهايـة ولا معناتها كل حياته بيمر منها
مهما شفنا الموضوع كبير فمرات نحتاج نمر من تجارب عسب نتعلم
أهم شي نحسن الظن في الله
ونخلي الماضي للماضي
ونعيش الي تم من حياتنا بإيجابية لإن محد يضمن متى بيي أجلـه
والله يرزقعا الصبر ونعمـة النسيان
..
احق واصدق من يطبقون الشريعة ويقيمون الحد ..خلها تتكل على الله وتروح ولو تعرضت لشيئ مليون طريقة وجهه مسؤلة عسب تاخذ حقها فية امن الحرم يكفيها تسير صوب هيئة الامر بالمعروف والنهي عن المنكر المتواجدة هناك وبيقفون مهعا شرات اخونها وبياخذون حقها بعد امر الله سبحانة ..هاي الهيئة اللي تقيم شرع الله وتنهى عن المنكر في كل مكان عيل كيف لو كان هالمكان بيت الله الله يقويهم وينصرهم ياليت عدنا مثل هالهيئة عسب تقيم الدين وتردع المنكر وتقوف كل نفس ما تخاف الله عد حدها ولا تخاف فديتج ولا على بالها اهي متوجهه لامن ارض على وجه الكون ..والله يسرلها والله يحفظها ان شاء الله
وان صار لها مرة ثانية..الصراحة ماعرف شو اقولج ..
