شو الاخبار ؟ ان شاء الله بخير
متضايجة ومب عارفة وين افضفض 
ووما لقيت عمري الا اكتب في هالقسم
بصرااحة وايد عندي مشاكل في الدوام ..واساس هالمشاكل اني ما عرف كيف اتعامل ويا مسؤولي
والله يا بنات انا عندي طمووح وابغي اكون شخصيتي في الدوام // بس انا من النوع اللي وايد وايد يستحي ..مثلا ساعات مسؤولي يعطيني شغلة اسويها …فتخيلوا ما عرف كيف اسويها // بس ما اسير عنده اخبره اني ما عرفت …ايلس جي واخر شي اتبهدل اني ما خبرته …
ربيعاتي وكل حد يقولي لازم تكونين قريبة من مسؤولج عسب تعرفين هو شو يحب وشو ما يحب ونوعيه الشغلة اللي يحبها ..بس انا ما عرف بالاساس شو حدودي ويا المسؤول
وسااعات هو يعطيني وايد شغل ..والله في خاطري اقووله اني ما اقدر …بس يبين من ويهي اني ما اقدر لاني مضغوطة بس هو يقولي لازم تتعلمين ..بس كيف اتعلم ويا هالضغط
وشي ثاني انا احس اني لاززم ابادر واعرف عن القسم اللي انا فيييه بس شخصيتي ما تساعدني اني اسوي هالشي …يوم اسير عند حد احس اني اتكلم شوي وما اخذ منهم شي ..
اعتبروها فضفضة ..انا اقضي يومي اكثر في الدوام …وفي الدوام انا ما اعرف اتعامل وما دري شو لازم اسوي
المشاركة الأصلية كتبت بواسطة كلي حركات! 
كلي حركات!
والله كنت غير وقت المقابلة وغير الحينة
في المقابلة كنت ارمس وجي
بس الحينة ما ارمس وايد وكله ساااكتة ومسؤولي يتحراني اني ما اشتغل ..لاني بس ايلس وما اساله عن الشي اللي ما عرفه
خخخخخخخخخ
اسالي واييد على اساس ياخذ عنج فكره انج مهتمه وتبين تتعلمين
اسألي في حدود دوامج وإلا بتستوين مقصرة في حق نفسج وفي دوامج بعد وهذا تأثمين عليه من عند رب العالمين قبل مسؤولج !
اهم شي الثقة لازم تكونين واثقة ممن نفسج اول
وبعدين شوفي التغيير في شخصيتج
لازم تسألين عيل كيف بتنجزين …………… تشجعي واي شي ما اتعرفينه اكتبيه في الورقة واسألي مب عيب