اتمنى حد يساعدني مشكلتي كل وحده تشتغل يمكن تكون لها نفس المشكله

:ساعدوني اريد الحل وبسرعة لو سمحتواااااااااااااااااااااااا؟

——————————————————————————–

اذا حد عنده حل يراسلني باسرع وقت على الخاص

السلام عليكم ورحمة الله وبركاته
انا عندي ولد في الصف الاول ابتدائي مر على الدراسه شهرين لحد الحين ماعرف ارتب وقته
اريد حد يرشدني متى ارقده؟
متى يدرس جدوله الصراحة كتالي
اول مايرد من المدرسه يلعب لحد انا مرجع من الدوام الساعة 3 ونص يبدى يحل واجباته لين العصر الساعه 5 وبعدين يروح يلعب لحد 8 الى 9 مرات و يرقد والساعة 6وربع يقوم حق المدرسة وكل يوم نفس الحاله
بس الصراحة اتفاحة اليوم مدرس اللغة الانجليزية يقولي انه يرقد في الحصة ماعرف شو اسوي و مستواه نازل خاصه في هذى الماده
معني احس اني مش مقصره في التدريس
انا تعبانه وايد من حالي
هل هو التقصير عشان انا اشتغل ولالالالا شو ماعرف اتعامل معا ابسرعه اتنرفز اريد حل وبسرعه تعبانه معاه

ما أعرف الصراحة لأن بعدني مو متزوجة بس حبيت أرفعلج الموضوع…يا حريم منتدانا الغالي فزعتكم لعضوتنا تيتاني الله يوفقج و تلاقين الحل

انا بنتي ف الروضه ….
….. الساعه 6 وقت السبوح
الساعه 7 وقت العشا ….
….الساعه 8 وقت النوم
وخلاااص الياهل يتعود ع هالشي

الله يعطيكن العافية
انا مشكلتي انه ولدية يحب اللعب وفي نفس الوقت يكتب واجباته ابسرعة ويقول ( اريد اخلص الواجبات عشان يكون وقت حق اللعب ) الله يعيني يكتب الواجب من دون فهم بس عشان يشوفه الاستاذ

عزيزتي..

انا مب موظفه..

ولكن.. ممكن افيدج بجدولي

في العادة..لهم فترة راحة من نص ساعه الى ساعه بعد عودتهم من المدرسه

ثم نبدأ ندرس ساعتين الى ساعتين ونصف

ننتهي بحدود الـ 5 واحيانا الـ 6

بعدها لهم فترة ساعتين فقط بها يلعبون ثم يتناولون وجبة العشاء

وفي تمام الـ 8 هم في سريرهم استعدادا للنوم

اذاً..

الساعه الـ 8 هو الوقت الانسب لنوم الطالب حتى يصحو باكرا مصحصح ونشيط

امنعيه عن نوم فترة الظهيرة لانه كسل وتأخير في النوم ليلا وبديلها النوم في المدرسه

معلومه خارجيه..

الطفل من عمر 5 الى 7 او 8 لا يتحمل مخه ضغط دراسه ساعتين متواصلتين لابد من وجود فترة استراحه خلال هذه الفتره

الله يعطيج العافية انشاء الله ببدى من باجر هذا الجدول

الله يسهل علييج وعليه