بنات اليوم بكتب موضوع من عقلي وقلبي واللي خلاني اكتبه اولا حبي لكم خواتي وثانيا لاني اتمنى في المستقبل اعيش سعيده ويرحمني ربي برحمته
الحريم اللي طفرو من المشاكل وقالو خلاص تعبنا ويأسنا بسالكم سؤال وجاوبوني بصراحه
1- هل جربتي فتره تعودين ريلج لما يدش البيت يقول (السلام عليكم ورحمه الله وبركاته)حتى لو محد جدامه؟
تعرفين اختي الغاليه شو فايده السلام عند الدخول؟
لما يي ريلج من بره تعبان او زهقان او باي حاله وبيدش يكون وراه شياطين يبون يدشون وخربون حياتكم فلما يسلم تقول الشياطين مالنا قعده فهالبيت فتخف المشاكل
لا تستهينين السلام بنات وايد جربو هالشي ولاحظو الشي هذا
2- جربتي كل يوم تستغفرين ربج لو 1000 مره بنيه ان ربنا يبارك لكم حياتكم ويبعد المشاكل عندكم؟
تعرفون ان الاستغفار تأثريه مثل السحر يشفي القلوب ومتاكده لو التزمتي فيه فتره راح تتغير حياتج 360 درجه وبتستانسون بحياتكم
3- جربتي تقرين اذكار المساء والصباح؟وتقرين المعوذات وايه الكرسي في كل حين عشان ربي يبعد عنكم الحسد؟
تعرفون ان الحسد منتشر وان العين حق وان ياما متزوجين كانو عايشين بسعاده والحين مب طايقين بعض والسبب انه ماتحصنو ابدا
الاذكار حصن لج ومابياخذ من وقتج 15 دقيقه انتي وريلج فلزموها
4- قيام الليل والصلاه بوقتها
بنات جربتو تصلون القيام؟ جربتو لذته؟ جربتو ترفعون ايدكم للخلقكم وتدعونه يا رب احفظ زوجي وابنائي من كل شر ؟
قومي قبل الاذان بنص ساعه ووعي ريلج قولي له يابو فلان باقي نص ساعه على الاذان شرايك نصلي ركعتين بس لله عشان تصير حياتنا احسن؟ (جربوها وبتحبونها واذكروني بدعائكم)
5- لاتقولين اسرارج الحلوه والشين اللي في بيتج لحد حتى لامج عشان تكبرين في عينه بسالج سؤال قد شفتي ريلج يسير يخبر ربع او اهله عن اسراركم الحلوه او الشينه؟
حاولي تحلين كل شي بروحج واذا عجزتي اشتكي لرب العباد اللي بايده كل شي واكيد لازم تكونين على يقين بالاجابه اذا استانستي يقولي يارب ديمها نعمه وفرحه واذا مضايقه يارب افرجها وبدلها فرحها واكتبها اجر لي على صبري
6- حاولتي تتصدقين كل يوم لو بدرهم بنيه ربي ينور دربي ويسعدني في حياتي ويجمعني مع زوجي بالفردوس ؟
يبي حصاله او اذا كل يوم تتمشين مع ريلج قولي له بو فلان شرايك نحط عني وعنك درهمين عشان الله ينور دربنا ويسعدنا ويجمعنا مع بعض ي الفردوس الاعلى
تتوقعين شو رده؟
7- حاولتي تقرين كل يوم لو صفحه من القران ؟
جربي بعد كل صلاه تقرين لو صفحه او في القيام اقري لو صفحتين واتحداج لو ماتغيرت حياتج
7- حاولتي تحبين لغيرج ماتحبين لنفسج؟
مثل ماتحبين يصير لج كل شي حلو حبي لغيرج واعرفي ان الدنيا حلوه
8- اهم نقطه يا حريييييييييم انتو هاملينها واستغرب اللي تقول ريلي خاني وريلي تزوج علي ريلي مايحبني ريلي عنده صور بنات وهي عندها الدوا والعلاج السحري
اللهم اني استودعتك زوجي قلبه وبصره وجسده يامن لاتضيع ودائعه
قولي هالدعاء بس من يطلع وامسحي على راسه ( فيها شي ) ابصم لج بالعشره ان لو طافت وحده عريانه مابيطالعها
لاتقولون في خاطركم اني صغيره ومااعرف فهالسوالف لا خواتي انا شفت بعيوني ناس جربو هالخطوات واللهم لاحسد حياتهم سعاده في سعاده
وقريت وايد وشفت برامج توعيه وايد والكلام مطبق 100 %
جربو هالبرنامج لو شهر وتعالو خبروني بالنتايج
ولاتنسوني من دعائكم خواتي
اخجلتيني بكلامج بصراحه
بس نبووووض بغيييت اعرف كم عمرج^_^
ربي يوفقج ..
يزاج الله خير حبيبتي