ملاحظه ( مش انا صاحبه المشكلة .. ولا انا راعية النك .. كل الموضوع يخص صديقة)
بلسان حالها تقول ..
انا اشتغل في مكان مايهتمون لموضوع النقاب وايد .. ( اسمحوا لي ما بقدر اقول وين لأسباب خاصة )
وكان شرط اهلي انه اتنقب عشان اداوم .. ولما ياني الدوام وافقت وداومت مع اني مش متعوده عليه وايد.. بس لبسته ..
ما تتخيلون كيف راسي بينفجر منه 8 ساعات وانا لابسه النقاب والله العظيم اموت من عوار الراس غير عدم الثقه انه مخترب او معواي او مش مرتب او واسع .. غير انه يحتك في عيني وتعورني عيوني منه .. واحس عيوني بتتضرر في المستقبل منه
لا تفكرون انه مابا الحشمه بالعكس والله العظيم .. بس ما قدرت اتعود على الموضوع ابد.. كل يوم اتعب زود غير انه لما افصخ ويهي كله مطبوع فيه النقاب ومخطط ..
غيرت اكثر من مرة النقاب والنوع كل مرة اظهر بلوك غير بس عشان ادور شي يريحني بس ماحصلت
اهلي شوي اقتنعوا انه عادي اترك النقاب .. بس كييييييييييييف .. كيف اظهر لهم في الدوام من دون نقاب مرة وحدة صعبه احسها .. شو بيقولون عني ؟ الشباب احسهم بيخلوني منظر لهم يشوفون كيف شكلها المنقبه .. غير التفكير شو بيكون ؟
تعتقدون اقدر في يوم اداوم من دونه يبالها جرأة كبيرة بس ماعرف شو اسوي .. وتراني مالجه وريلي يفضل اتم بنقابي بس لما قلت له معاناتي موقفه نفس موقف اهلي انه بكيفج لو قدرتي
( شو رايكم في الموضوع من دون تجريح.. البنت حشيمه الحمدلله وبدون ميك اب .. ) وهي بس حابه تعرف شو آراء الناس بشكل عام
متابعة من وراء الكواليس ردودكم..
ردي لكم في الصفحة 4 
افصخي النقاب بس البسي الغشوه اللي علي الراس تكون لا تغطين فيها ويهج بس خليها علي راسج
بهاي الطريقه بيقولون ماتتنقب بس تتغشى يوم تطلع من الدوام يعني عادي
تعقينه ابدااا والعكس صحيح 0
ومحد يقدر يقرر هذااا غيرج 0
فيه بناات يلبسن خماااار أهون اشوي ^^
موفقه ان شااء الله
وبالذات في عيوني واتم دووم ابعد النقاب من عيوني احسه يجرحني وبشرتي حول العين تحسست وبعدين احس النقاب يطيح وارد افتحه واسويه مره ثانيه وريلي كله يتلعوز مني شو تسوينن
والحينه ما احس باي شي والنقاب احسه راحه ترومين تضحكين تبتسمين على كيفج ماحد بينتبه عليج
فيالغاليه لا تحاتين اللي تحسين فيه حسته كل وحده يوم بدأت تتنقب وعقب بتتعودين وما بتحسين بشي
اصلن بتنسين ان على ويهج نقاب
لأن فعلاً الي تلبس النقاب في السوق مدة ساعتين او 3 غير عن الي تلبسه متواصل 8 ساعات
لكن الحشمة حلوة وزينة .. والله يعينج ماعرف بشو اساعدج