انا عضوة جديمه بس سجلت بنك يديد ..ضمان للخصوصية
خواتي هليه قرروا يسيرون العمره ..و ريلي رافض يوديني يقولي تبين تعتمرين سيري ويا هلج ..
المده بس 5 ايام تقريبا ..و بما اني ما جد اعتمرت قلت فرصه اسير و مده بسيطه …
و اتشجعت سرت و خذت اغراض حق عيالي حق السفر و جهزت الشنطه ..بس …عقب تذكرت شي
انا علي دين ..و بعدني ما سددته ..
عندنا حرمه في الفريج تبيع عطور و دخون و هيه تعرفني و تعرف هليه و هليه كلهم ياخذون من عندها
و انا دوم اخذ من عندها ..و عادي ادفع لها عقب ..بس هالمره ماخذه بمبلغ كبير ..و ما دفعت
و حاليا ما اقدر ادفع لها …كل شهر اعطيها مبلغ اقسط لها اياه ..و هيه ما تعرف اني ماخذه عنها
بدون ما ادفع (اشتري الاغراض عن طريج حرمه ولده(.(..
و عليا دين لربيعتي بس هاذي من اكثر من شهر اتصل فيها عشان ادر بيزاتها ما ترد ..
انا غيرت رايي ..و ما ابغي اسافر ..بس مب عارفه شو اقول حق ريلي و اهلي ..
ادري ريلي بيغيض عليا…بليز عطوني رد مناسب اني اكنسل السفره بدون ما يغيظون علي ..
من البارحه و انا افكر و مب عارفه شو اقول …
لا تخربين علاقتج معاه بانج تالفين قصه او تجذبين عليه
خبريه عندج دين وعادي … هذا زوجج ابو عيالج … ونصفج الثاني
والسموحه
المشاركة الأصلية كتبت بواسطة محد شرواي 
لا تخربين علاقتج معاه بانج تالفين قصه او تجذبين عليه
خبريه عندج دين وعادي … هذا زوجج ابو عيالج … ونصفج الثاني
والسموحه
الحمدلله انا صادقه مع نفسي و مع زوجي ..
بس ما اقدر اقوله لاني اذا قلتله هو بيدفع المبلغ ..و انا ماابغيه يدفع .ما احب ارهقه ماديا …خصه هلفتره ..نمر بوضع صعب …
انا بروحي كل شهر اسدد جزء من الدين من مصروفي الشهري ,,,
ما اروحوا الا مع الى ذمتى عليه
وما عليه ان شاء الله يتعوضنى السنه اليايه
ولا ما استاهل ؟
وبس اسكتى
واذا تم يتسأل قولى خلاص انا جى مرتاحه
ما اعرف يمكن ينفعج ردى مو متزوجه بس ما حبيت من دون ما ارد عليج