احسن علاج للأكزيما

السلام عليكم ورحمة الله وبركاته
شخباركم خواتي ان شاءالله بخير
ولد اختي فيه الاكزيما وووايد تاكله وكله يصيح بسبتها تارسه جسمه
وفي احد نصحها بالسدر وحد قالها الترمس زين وهي خايفه تسويله ولدها عمره 5 شهور وعالجته واستخدمت وياه ادويه كثيره بس ماشي فايده واللي عندها دوى زين للاكزيما تكتبه والله يجزيها كل خير يارب ودعواتكم بان الله يعافيه ويفتك من الأكزيما والسموحه ع الاطاله

6 شافوا الموضوع ولا رد عالاقل ارفعولي الموضوع

مرحبا اختي

والله يعين ولد اختج وما يشوف شر ان شاء الله

انا ولدي كان جي من يطلع برع شوي استوى جسمه احمرررررررررررررررررر

والحمدالله سرت عند الدكتوره نابغه بالشارجه عطته دوا وكريم مرطب وايد اوكي

والحمدالله احس احسن من قبل

واذا بغيتي العنوان بحاول ادور البطاقه

فديتج … انا كل عيالي فيهم اكزيما …. واعالجهم عند الدكتور ابراهيم كلداري… او ولده الدكتور حسن كلداري عيادتهم في دبي وعلاجهم 100%

انا ولدي عانا وايد وفي النهايه منعت عنه الذره والموز واستخدمتله زيت السمسم اللي من ريحته ينعرف وترطيب على طول والملابس لازم تكون قطنيه 100%وابتعدي عن الصابون اللي يجفف البشره حتى لو ما تخسليله وكله في البراد تخليه ومرطب على طول وملابسه تخسلهم بصابون الاطفال والصراحه طفل الاكزيمه يحتاج عنايه خاصه وانا ولدي الحين الحمدالله ينام مرتاح من الاكزيمه لاادويه ولا كريمات وبعد فورتله اوراق شجرة النيم المو

الغاليه من تفوريله شجرة النيم المو اتسبحينه فيه وشكرا

ويزاكم الله خير جميعا