احس ريلي ما يهمه وجودي عنده في البيت

السلام عليكم

خواتي انا متزوجة صار لي 6 سنوات واصلا انا من امارة وريلي من امارة ثانية وانا ساكنه معاه في بيت اهله ……….. ولما ازور أهلي يخليني ايلس عندهم بالايام ومرات اسبوعين واكثر ….. ويسالني متى تبين تردين … يعني ولا مرة يقول لي بردج عندي البيت يعني ما احس انه يحتاج لوجودي عنده …. وكل مرة انا اقوله اني ابغي ارجع عندك واحسسه شكثر مهم انه نكون مع بعض

علاقتنا مع بعض ممتازة ودايما نسولف ونتكلم عن نفسنا بس مع ذلك ما يحسسني انه
مشتاق لي

والله مادري شقولج

حبيت ارفع الموضوع

والله يا أختي هالشي عادي
واايد رياييل جذي
يوم انتي عندهم انتي كل شي
ومن تسيرين عنهم كأنه مالج وجود في حياتهم ( بس أكيد هم مايقصدون هالشي)
بس يمكن بحكم انج من اماره ثانيه فهو يوم يخليج عن اهلج يبغي يعوضج عن البعد عنهم لا أكثر

تدرون ليش اقول لكم انه ما يهمه وجودي عنده

لانه لما حملت من الشهر الخامس بحملي ما لمسني حتى ايدي ما يمسكها والحين عمر ولدي بيصير 3 شهور وهو للحين ما لمسني ولا يطلب مني هالشي ……… صرت انا ارقد بالصالة وهو بالحجرة

الله يصبرني عليه

احمدي ربج على كل شِـّ? وقولي الحَمدللہ

آللہ آلمستعآن

ما عليج الا الدعاء له بالهدايه في صلاتج وبعد قرايتج للقرآن ــ

والله يعينج ويصبر قلبج ،، والله يهديه ويحنن قلبه عليج ،،