انا البارحه رقدت عقب صلاة الفير و حلمت جي حلم مثل اللقطات و المواقف يعني كل شوي مكان و كل شوي موقف و غير انه ناس غريبين فالحلم و اشيا واضحه و اشيا مشوشه
و في مواقف فالحلم خوفتني بس مب قادره اتذكر الحلم بالضبط احاول اتذكر مب قادره احس مخربط
عقب نشيت عالساعه تسع و يلست اصيح من الخوف 
و الله وايد خفت من الحلم
عقب عالعشر و نص رقدت شوي و نشيت ع احلام جي بعد و كوابيس
اول مره جي يصير معاي و انا الحين وايد خايفه و ياني وسواس فظيع مش متحمله ياني اكتئااب ابا اتاذكر الحلم و مابا افسر اللي اتذكره و جي كل شي متخربط عندي
حد يصيرله جي بالحمل
ممكن وحده اتقول لاني احاتي الولاده بس انا ما احاتي الولاده و لا مفتكره فيها ابدن ناستنها خصوصا هالاسبوعين و الاحلام مايخصها بالولاده بعد
هل ممكن تتحقق جي احلام ولا هل تعتبر كوابيس و خرابيط 
و احلااامي تخووووف و كله احلم كوابيس او اشيا ملخبطه
و انا متعوده ما ارقد فالليل الا و سورة البقرة تشتغل عند اذني من قبل لا اعرس و علمت ريلي على هالعاده من ثاني يوم العرس هههههههه
بس مادري مرات يوم ارقد العصر يختي احلام تخرع و انش مضاايقه
و هاليومين كله اان وانا راقده يوعيني ريلي من عز نومي يسالني ( شو تحلمين ) !!
سالت (ذوات الخبرة ) قالوا كلهن نفس الشي من يوم كانن حوامل
يعني طبيعي !!
واللله تعب بروحها النفسيه فالارض و الحمل بعد
انا بروحي من قبل لا احمل اعاني من شي اسمه الوسواس القهري و اتبهدلت في بداية حملي بسبب تغيير الهرمونات و غير المرض النفسي هذا و الحين بدت بالاحلام
و الللله تعب انا الحين خلاص نفسيتي فالارض بس في اشيا تخوف اتيني فالحلم و تفسيراتها اتخوف معقوله كل ها ماله معنى يعني حتى تفسيره ماله معنى راح يكون؟؟؟
اللله يقومج بالسلامه يارب و يخفف عليج
مثل ما قالت الاخت قبل لا ترقدين حطي قرآن ورقدي
والله يسهل عليج يارب
المشاركة الأصلية كتبت بواسطة هزووفه 
مثل ما قالت الاخت قبل لا ترقدين حطي قرآن ورقدي
والله يسهل عليج يارب
مشكورة حبيبتي انشاءاللله مايكون لها معنى لان ياني اكتئاب من نشيت والله
حتى لو انك ما تفكري فيها بس عقلك الباطن يفكر فيها
توكلي عالله وكثري الدعاء وذكر الله وكله بروح انشالله
المشاركة الأصلية كتبت بواسطة lala n حتى لو انك ما تفكري فيها بس عقلك الباطن يفكر فيها
توكلي عالله وكثري الدعاء وذكر الله وكله بروح انشالله
ان شالللله خير
و مشكورة حبيبتي عالرد