احلل من الحينه ولا اتريا لين يطوف موعد الدوره ؟؟!!

السلام عليكم ورحمة الله وبركاته..

شحالكن خواتي؟؟عساكن بخير..

فديتكن سبق وخبرتكن عن تجربتي فالحمل..وربيت قبل موعدي وماتو اللي فبطني..
حاليا انا اراجع عند دكتوره كاميليا..عطتني كلوميد وابره تفجيريه..وعطتني دوفاستون..الحينه انا آخذ الدوفاستون استوالي 5ايام..وباجيلي خمس ايام بعد آخذه..
بس المشكله اني بسير العمره الاسبوع اللي بيي..يوم الاثنين 4/1..وهي قالتلي تعالي تاريخ 6/1 عسب اتحللين دم..وانا فهالفتره بكون فالعمره..وخايفه بنفس الوقت اكون حامل ومن كثر الحركه اجهض..
الحينه سؤالي..
عادي احلل من الحينه دم وانا بعدني ماخلصت دوفاستون؟؟علما بان دورتي تاريخ 9/1ولا10/1..
ساعدوني دخيلكن..شوورو عليه شوو اسوي..؟؟!!معروف عن الدوفاستون اذا ماشي حمل تنزل الدوره قبل موعدها بشوي ولا بعد ما اوقف عن الدوفاستون على طول واخاف تنزل عليه وتخرب عمرتي..
انا سويت تحليل بول الله يكرمكن وظهرتلي النتيجه سلبيه..

وعليكم السلام

ربي يعوضج خير إت شاءالله

ويرزقج إن شاءالله … بس اذا موعدها بتاريخ 9 او 10 من شهر واحد اممممم شوي ابعيد

انتي بتاريخ 5 أو 6 أو 7 سوي تحلليل كلير بلو من الصيدليه ونتيجته تبين قبل الدورة ب3 ايام بس حليلي او ماتنشين الصبح عشان يبان

وربي يكرمج إن شاءالله

بس مشكلتي فحملي الاول مانفعني فحص البول الله يكرمج وعلى فكره كان طايف موعد الدوره اسبوع وبين عندي خط خفيييييييييييف وايد خفيف..حتى ماشكيت انه حمل..لان يتني فتره كنت اسوي تحليل فالبيت ويظهر موجب ويوم اسير احلل دم تطلع النتيجه سلبيه..

عيل الاحسن أختي تاجلين سيرت العمره ليما تتأكدين من النتيجه

مثل ماتدرين سيرت العمر وايد فيها تعب وخاصه اذا حامل وانتي مسقطه بعد من قبل يعني يبالج راحه اذا حملتي

ربي يرزقج إن شاءالله

الله يوفقج ويرزقج حمل سليم وثابت يااا رب..

وياج

حبووبة العمرة صح تعب .. بس مآآتآآخذ غير سآآآعتين! … بالكثيـــر

توكلي على الله وادعي ربج وانتي تعتمرين ان الله يرزقج بالحمل السليم المعافى .. ويرزقج الذرية الصآلحة..

وان شآء الله خيـــر..