كيف الحال خواتي…
ممممممممممممم ادري في ناس ما بتدخل موضوعي…وفي ناس بتدخل موضوعي ما بترد…
بس اتمنى من كل قلبي اني الاقي احد يخفف عني
انا فحملي الاول ولدت بعملية…بسبب حادث سير
والحين انا بالحمل الثاني…وميتة خوف من الربى الطبيعي
في بداية حملي ما كنت خايفة..
بس كل ما قربت ولادتي .. اللي حولي راعين التجارب يخوفوني
والاسوأ اني بعيدة عن اهلي…وما عندي احد ايي وياي المستشفى
زوجي من نحاسة حظي دخلت دورة ترفيع … بيكون فيها طول شهري التاسع
والله احس بالخوف…احس ان خوفي صار مرض..
مقدر انام…ولا اسوي شي…
احس نفسي حزينة
احد يطمني..الله يطمنكم
الله يسهل علينا يارب
وماله داعي للخووف حبيبتي ان شالله بيمر كل شي ع خير والله بيكوون ويااج
واقري سورة البقره واالزلزله والله يسهل عليج
مابقولج الولادة الطبيعية سهلة بس اول ما تولدين على طول تنسين كل الألم
خليج قويه وان شاء الله ربج بيسهلها يالغاليه .. ادعي ان كل شي يكون ميسر من رب العالمين ..
ودام ريلج مب موجود عندج سيري عند امج سبحان الله الوحده ماتعرف متى بتولد لازم حد يكون عندج عشان ما تتوهقين وكل حد بعيد عنج ..
والله يساعدج ويسهل عليج يارب العالمين ..
وصح اخاف .. بس مافكر فالولاده دايما او شو اللي بيستوي
خليها ع ربج وهو بيسرها ان شاء الله
لا تحاتين ..،،
