اخبره عن رساله الاعجاب و لا اطنش

مرحبا
اممم بنات سار موقف و احس متخاديه مو عارفه شو اسوي
البارحه راده من الدوام ومنزله الاطفال من السياره .. كان في واحد داخل ويانا العماره..حسيت بشي غريب بس طنشت ..
تخيلوا ثاني يوم الصبح الاقي كلينكس متعلق في الباب سيارتي و حضرته كاتبلي شي فضيع امبيه واااايد موقف خايس و حاط الرقم ..
الحمدالله ان ريلي ما خذه السياره لو جاف جان استوت مذبحه كبيره حتى راويت ربيعتي هالشي انصدمت وااااايد …
انا ماعرف شو اسوي هو ساكن بنفس العماره و اصادفه دووووم سراحه وانا رايحه الجيم اجوفه يتريض …
المهم انا فريت الورقه لان هالشي ارف اعوذ بالله .. كافيه العله الي عندي ابلش عمري بحد 2 بعد …
المهم اخاف يتعرضلي لان شكله جريئ واااايد …
امبيه ساعات فالويك اند ابات انا و الاطفال و الخدامه بروحنا لان ريلي ينزل عند اهله …
احس بروعب …
المهم انا وريلي اصلا دووووووووم ضرايب و مشاكل وانا مو طايقتنه مووووليه .. بس الي مسكتني اني عايشه ع راحتي اطلع وايي و اروح و اتشرى وعيالي في حد يصرف عليهم .. بس عشان جي …
فماعرف اخاف الريال مره 2 يحط شي لان واااااايد يلحقني
و اذا عرف ريلي يمكن يلبسني عباه راس امبيه مستحيل و يمنعني عن الطلعه

فشو اسوي ؟؟؟

لا تعطينه اي اعتبار انتي سيده متزوجه
و اذا شعر بنظره او ابتسامه بيزيد الموضوع و تتورطين وياه
و اذا طنشتي بيمل و يبعد بدون مشاكل

اذا حسيتي الموضوع زاد
ممكن تعطين رقمه للشرطه و تخبرينهم انج ما تبين مشاكل و هم بيتصرفون وياه

حاولي تحسنين علاقتج بزوجج ابو عيالج لان الشيطان شاطر

خبري زوجج.. عادي يتمادي ويوصل شقتج

ليش وين نحن عايشين عسب يتعرض لج . حبيبتي البلاد فيها قانون والدنيا موب فوضى . حبيبتي اذا كرر لج السالفة دقي ع خدمة امييين . وللا سيدة الشرطة . حتى المتزوجة ماسلمت منهم أعوذ بالله . وانتي مثلا البسي نقاب يوم تنزلي من العمارة عسب لا ييعرفج .

لا تعطينه ويه واذا زاد الشي عن حده بلغي خدمه الامين ان هذا لاحقنج كل مكان بيأدبونه لج

دارن درا ودارن ما درا

بالتوفيق

اللهم انك سلطت علينا عدوا عليما بعيوبنا – يرانا هو وقبيله من حيث لا نراهم )))
اللهم آيسه منا كما آيستـه من رحمتك
وقنطه منا كما قنطـته من عـفوك — وباعــد بيننا وبينه كما باعـدت بينه وبين
رحمتك وجنتك

لاتخبري ريلج وهذا الجار ممكن يعرف أو سامع بمشاكلكم ويصطاد بالماء العكر
ما أظن يتمادى إذا رويتيه العين الحمرا