اختبار مستوى kg1 في مدارس الخاصه

السلام عليكم
شحالكن خواتي بغيت اتخبر عن امتحانات القبول في kg1 اريد اعرف شو نوعية الأسئله الي يسألونه حق.اطفال عسب يقبولهم في مدرسه خاصة مدرسة متحدثي انجليزيه في راك او شويفات او اي مدرسه خاصه مهم اعرف الأسئله عسب نعلم عيالنا *

في الشويفات ما يسئلون الياهل اسئله وايد لانهم عارفين انه رايح يتعلم
تلقينهم يقولون له شنو اسمك؟
و يفتحون معاه اي حوار بس يشوفون اشلون يتكلم وياهم و طريقته بس
لكن اذا حابه تعليمنه. علميه الالوان. يعد من واحد لي عشره بالانجليزي
علميه جم شكل
جذي شغلات اساسيه خفيفه يعني لا تتعبين نفسج

للرفع

للرفع

ولدي سالوه
انت شو اسمك؟
انت من وين؟
تعرف شو هاللون؟ (طبعا كانت عندها بطاقات ألون)
تعرف اتعد و الا لا؟
وبس

مثل ماقالوا الخوات
اسأله بسيطه مثل
الاسم- الاعداد -الالوان- الحيوانات-العاب تركيب بسيطه-

انا ولدي سألته المس وين نلعب كوره ؟ في الشارع؟
قالها لا ، قالتله ليش؟؟ قال عشان ماتدعمني السيارة

يعني مثل هالاسئلة الخفيفة .. وبالتوفيق ان شاء الله