شحالكن عزيزاتي؟؟؟ طبعا من زمان ما طليت عليكم.. بس بطرح عليكم مشكلتي..
بسم الله عليكم هالفتره ما أدري شو يايني.. بس بقوللكم شو يستويبي..
أنا تعبت نفسيا. خاصه ان هالفتره أتعرض لضغوط نفسية فظيعه.. و أحس نفسي مثل المقيده أبا أتحرر.. أبا أبعد عن الدنيا.. أبا أستانس لكن " مب محصله باب أطلع منه"
دوم أدعي ان الله يرزقني بزوج صالح في أقرب وقت.. يمكن هو يراويني السعاده كيف شكلها و شو ألوانها.. عمري ما حسيت بالراحه و الإستقرار النفسي.. دايما أحط آمال و أماني بس للأسف " مثل الطبخه الي تنطبخ و تنعق"
أنا موظفه أداوم.. يوم أرمس ربيعاتي كل وحده عندها شي يديد في حياتها إلا أنا.. ما عندي شي أقوله أو أرمس عنه إلا سوالف الدوام.. و آخر شي تنفر في ويهي هالجمله " انتي ممله ما عندج شي يديد.. كله ترمسين عن الدوام" بالذمه عن الشو أرمس؟؟؟ عن الملل؟؟ ولا الحظ النحس؟؟؟
والله ما أقص عليكم يا خواتي.. هالشي أحس قام ينعكس عليي تدريجيا… تخيلو أحينه كل كم ليله أمي تلاحظ هالشي ان يوم أرقد أحلم بكوابيس و لحسن الحظ هي تكون واعيه و تلحق عليي..
أنا بنبهكم على نقاط مهمه يمكن وحده فيكم تعرف تحلل أو تفسر..
أنا واااااايد أنسى.. و اسرح.. مرات يستويلي أرق ما أقدر أرقد حتى لو ناشه من الفجر.. دايما تييني نغزات في جسمي.. صداع موووول ما يفج و دوم ضاربلي في عيوني و رقبتي,.. ظهري وايد أعاني منه.. و الأدهى و الأمر.. مرات أحس نفسي يوم أرمس ويا حد " أفكاري مشتته" ما أركز على موضوع واحد
جزاكم الله خير
بس انت شاغلة نفسك باشياء صدقيني ماتسوى
انت فكري بالجوانب الزينة بحياتك
بنت حرة نفسها وتخافين اللة انشاءاللة وناجحة في حياتك عندك وظيفة وصداقات و
وربي يرفع قدرك زيادة وادعي ربك ترى الشيطان يوسوس لك عشان يحطمك ويشغلك بالنواقص
واللة حتى المتزوجات واللي عندهم عيال يحسون مثل كذا وانا اولهم بس الحمدللة السعادة والثقة بالنفس انتي تزرعينها بنفسك ولا تسمحين لاي كلمة من اي حد كان تقلل من قيمتك وتصغرك في عين نفسك
ويكون بعلمك انا لي كم سنة في دبي مااشوف زوجي غير ساعة باليوم واحيانا يخلص اليوم ما حكيت مع احد وسوالفي مب بس صارت قديمة الا ضابها الصدأ بس بظل اقول اللي بخاطري واسولف واحاول اني اعطي نفسي حقها
ولنفسك عليك حق ولا تتضايقين
الله يرزقج الزوج الصالح^^
عدم زواجك الى الان يجعلك تشعرين بأنك ناقصة ولكن كل هذا مجرد تخيلات في خيالك الواسع
الزواج ليس نهاية الدنيا
صحيح بأنه سنه الحياة
ولكن لا تجعلى كل تفكيرك ينصب فيه
ثقى بالله بأن نصيبك لاتى يوما
وان كل تأخيرة فيها خيرة
جددي حياتك ( مثلا تحسين المظهر العام اذا يحتاج , القراءة , حفظ كتاب الله)
ربي يسر أمورك ويرزقك الزوج الصالح ويرزق كل بنات المسلمين
الظروف الإجتماعية أو عين والله أعلم …
تحتاجين للراحة والهدوووووووووء والبعد قدر الإمكان عن الأفكار السوداوية
والأفضل لك إستشارة مختص أو مرشد نفسي يفيدك في هذا الحالة ..
ولا تنسين ذكر الله في كل حين والثقة التامة به سبحانه ..
المشاركة الأصلية كتبت بواسطة جارة المصطفى 
الظروف الإجتماعية أو عين والله أعلم …
تحتاجين للراحة والهدوووووووووء والبعد قدر الإمكان عن الأفكار السوداوية
والأفضل لك إستشارة مختص أو مرشد نفسي يفيدك في هذا الحالة ..
ولا تنسين ذكر الله في كل حين والثقة التامة به سبحانه ..
صح كلامج انا مرات امر بالحاله هذي بس ربكــــــــــــــــــــم كريم وما ينسى عبده
فتره اختبااااااااار ربي يختبرج حبووبه انتي ما عليج الا قراااااااااااااءنج وصلااتج واستغفااااااارج وصيامج وصدقاتج وربي بيكون معاج وبيوفقج يارب
الحمد لله علـــــــــــى كل حـــــــــــــــــــــــــال
