اختيــــه وسوآد الرقبــــه من الصغر ؟؟

السلام عليكم ورحمه الله وبركاته
عيدكن مبارك وعساكن من العايدين والسالمين يارب
شحالكن خواتيه ؟ربكن الا بخير وعافيه
خواتيه انا عندي ختيه الحين عمرها 19 سنه وهي من صغرها فيها سواد في الرقبه كنا نتحسب من زياده الوزن بس واحنا انبش في الصور لقينا لها من هي صغيره فيها هالشيء ومن استوت تستحي من رقبتها ودوم لافه الشيله على رقبتها وان سألتها حد شوه بلاها رقبتج تصخ ويتغير لونها وتنحرج ودوم يوم تظهر تلبس العبي هاي نك عشان محد يشوف رقبتها مره وديناها عند دكتور جلدي في العين سوداني ووصف لها كريم ومافاد وياما حاولت بالليفه بس يتم مايروح كله وسمعنا ان الليزر بيفيدها صحيح هالكلام ولالا ؟ و هل في دكتور مجرب لمثل هالحالات ياليت تنعتون لنا دكتور ولا اي دوا يفيدها ومشكورات

اكبر غلط تحكين الرقبه بالليفه لانه يسود مايبيض لانه جلد الرقبه رقيق وخفيف وبالليفه تحرقه فديته الافضل تستخدم صابونه طبي بدون ماتحك الرقبه وبعدها تستخدم خلطه تفتيح وااايد خلطات تفتيح ف المنتدى وشي ثاني لازم المنطقه تتهوا ومن كلامج اختج كله لافه الشيله على رقبتها والعرق والرطوبه بعد يلعب دور في السواد ويمكن وراثه الله يعلم

(( اللهم اقض حاجتي، انس وحدتي، فرج كربتي،
اجعل لي رفيقا صالحا كي نسبحك كثيراً،
ونذكرك كثيراً، فانت بنا بصيراً))

مثل ما قالت الاخت دلوعة فزاع ما تستعمل الليفة على الوجه و الرقبة و حتى لو استعملتها تسوي حركات جد خفيفة .و تحاول تسوي خلطات طبيعية و ان شاء بتلاقي نتيجة جد مرضية .

مشكورات فديتكن بس نبا خلطه مجربه وواثقين منها , بالنسبه للوراثه ماحد يعاني من مثل مشكلتها

يمكن من كثر ما اتلف الشيله ع الرقبه ..

حتى العباه ترى لونها يطلع برقبه

الغلا بس ودي تجربون هالطريقه

1- خليها تسوي شمع هالمنطقه او تشقير في الصالون أظن بيخف وداايما تدعك ليمونه ولززززززم تسوي سنفره مقشره

2- تستخدم صوابين تبيض بدون الليفه

3- تستخدم اسكينوال تسويلها خلطات لتبيض في البيت

تحط ماسكات تبيض

بس الي أنا ألحظه أنه الصغار والكبار الي من صغرهم يعانون من الوزن الزايد لزززم منطقة الرقبه تكون داكنه

لو ملاينه خليها تحاول تضعف
وان شالله خير