اناعندي ولد واحد وشهر 4 بيكمل سنه وكان خاطري اسويله عيد ميلاد مرتب وحلو بس حصلت اعتراضات وهي ان العيد ميلاد حرام شو اسوي وكيف خواتي تتصرفون في هاليوم وشو تسوون في حد قالي سوي قبله بشهر بس انا قلت فرق وايد مع اني ما حسيت بفرق شو يعني قبل والا في نفس اليوم والا عقب المهم النيه وانا ما قصدي امجد هاليوم ولكن فرحانه بولدي اتريا ردودكم
والله اختي هالشي حرام … وانت اتقولين ما اقصد بس ابا اسوي … اختي لا اتقصين على عمرج عشان اتبررين اللي تبين اتسوينه وانا كنت جذه بس صدقيني وايد ارتحت يوم تركت هالشي انا ماسوي شي بيوم الميلاد بس اسوي حفله لبنتي لمناسبات ثانيه مثلا يوم تنتهي من العام الدراسي واتكون ناجحه وشاطره … واسوي مثلا يوم حد من عيالي يبدا يحبي او يوم يمشي وجذه واحيانا بس جذه بدون مناسبه اسوي حفله واعزم الاهل واقولهم يبوا عيالكم بنسويلهم العاب وعروض وغيره …. يعني اختى الوناسه ممكن تصنعينها بدون ماتخالفين شرع ربج والاحلى انج والله تستانسين في الحفله لان ضميرج يكون مرتاح انج ما يالسه اتسوين شي غلط …
مشكوره عالرد
وزعي حلاوه من فرحتج به
الناس يسون نثور يوم يطلعون اسنان ويوم يمشون………الخ
الناس يسون نثور يوم يطلعون اسنان ويوم يمشون………الخ
سوي هدايا حق الصغاريه من اقاربج وخبريهم انه ابنج بدى يمشي ………اوسيري قسم العائله فب المنتدى وبتلاقين افكار…………………..والسموحه انا بعد بسوي حق ابني حلوياتوبعلبها وبسوي عليها شريط وبوزعها شهر 5 ان شاء الله
المشاركة الأصلية كتبت بواسطة عناقيد حلم 
والله اختي هالشي حرام … وانت اتقولين ما اقصد بس ابا اسوي … اختي لا اتقصين على عمرج عشان اتبررين اللي تبين اتسوينه وانا كنت جذه بس صدقيني وايد ارتحت يوم تركت هالشي انا ماسوي شي بيوم الميلاد بس اسوي حفله لبنتي لمناسبات ثانيه مثلا يوم تنتهي من العام الدراسي واتكون ناجحه وشاطره … واسوي مثلا يوم حد من عيالي يبدا يحبي او يوم يمشي وجذه واحيانا بس جذه بدون مناسبه اسوي حفله واعزم الاهل واقولهم يبوا عيالكم بنسويلهم العاب وعروض وغيره …. يعني اختى الوناسه ممكن تصنعينها بدون ماتخالفين شرع ربج والاحلى انج والله تستانسين في الحفله لان ضميرج يكون مرتاح انج ما يالسه اتسوين شي غلط …
وعليكم السلام ورحمة الله وبركاته
أنا مع الأخت عناقيد حلم..
كلامها مضبوط 100%
الله يبارك لج في ولدج ويجعله من الصالحين
مشكورين عالتوااااااااااااااااااااصل