اختي ملجتها الشهر الياي ،والحمد لله ربي رزقها بريال ملتزم ومدين، والحمد لله كل شيء جاهز ، بس المشكله انه ما يبي يدخل البسها الشبكه اقول لها كيف ادخل جدام 100 حرمه !!!؟؟؟ وشو المقصد اني البسج الشبكه جدامهم بلبسج اياها بروحنا وبعدين انزلي للمعازيم ؟؟؟؟؟؟؟؟؟؟؟
وهي مصره انه يدخل البسها الشبكه !!!!! واقول لها انسي اني ادخل الملجه وحتى العرس!!!
وبعد امه قالت له اني ما بسير الملجه اذا ما بتدخل وانا انتظر هل اليوم اللي اشوفك فيه معرس 
واختي قالت اكنسل كل شيء اذا ما بيدخل ،، وتقول له انا انتظر هل اليوم اللي تكون معاي جدام اهلي واهلك ؟؟؟؟؟؟؟؟؟؟؟؟؟؟
هي معانده وهو بعد
ساعدوني بليييييييييييييييييييييز
كيف اقنع خطيبها انه يدخل ؟؟؟؟
او كيف الين راس اختي ( للعلم انا امس لين الساعه 3 الفجر وانا احاول اقنعا انه معليه يمكن يستحي وخلي كل شيء اعدي على خير، مب راضيه ) ؟؟؟؟؟؟؟؟؟؟؟
انتظر ارائكم وبسرعه ارجوكم
الله يهديه إن شاءالله .. في نااس يستحوون يحدررون جداام الحريم ..
حاولوا تقنعونه .. ان ليلة وحده بالعمر .. وهاليلة مابتنعااااااااااااد 
والسموحه منج
الله يتمم لاختج على خير يا رب
ترى الموضوع وايد عادي … وايد شباب يستحون يدخلون او يلبسون حريمهم الشبكة
وفي عايلات ام المعرس هي اللي تلبس العروس الشبكة
انا اشوف دام الريال بالمرة يستحي وحاولوا اهله واهلج يقنعونه يدخل وما طاع
خلاص خلوا امه هي تلبس اختج الشبكة وبينتهي الموضوع
صدقيني هي لا اول وحدة ولا اخر وحدة مب ريلها اللي يلبسها الشبكة بنفسه
خبريها جي وخل تعذر الريال لانه دامه مصر بهالطريقة ما راح تقدر تقنعه …. ولا تكبر الامور على شي مب لهالدرجة كبير يعني
اذا الريال ممتاز واخلاقه طيبة وملتزم … ليش تضيعه من ايدها على سبب مب مهم للهدرجة ؟
الله يستر عليها ويوفقها
نحن بالمره ما عندنا هالشكليات واذا ما يبى تراه تلبيس الشبكه مب كل شئ واذا من الحين يعاندون بعض الله يعين بعدين في حياتهم شو بيسون
اقنعي اختج و عن تيبس الراس وتحمد ربها انه ملتزم مب كل يوم بتحصل ريال مثل هذا
الله يهديهم جميع
تبا يلبسها خلوهم برحهم ولا أنت الاهل وياهم ويلبسها..مب لازم جدام العالم ..والعناد ما منه فايده ..وخل اهله يرمسونه أحسن