شوفي غناتي وسوي الي اقول لج عليه وادعي لي
وان شاءلله بنزل وصفتي وبالصور
روحي كارفور وعند الاجبان طلبي من الموظف جبن عكاوي ملح قليل
اشتريه وتعالي البيت وقطعيه على هيئة شرائح ومن ثم على هيئة اعواد
وخليه في ماء بارد وغطيه وحطيه بالثلاجه وكل ساعه غيري الماي
وعقب حطي 10 ملاعق اكل سمن في صحن ومعاه صبغة الكنافه وخليه بالخلاط
لمده 10 دقائق حتى يختلط الصبغه بالسمن
جيبي صينية الكنافه ومددي السمن المخلوط بالصبغه بصينيةالكنافه
وحاولي تتراكمين الخلطه على بعض دور مدار الصينيه
والحين عقب ما نتفتي الكنافه حطيه فوق السمنهلحد ماتغطينه كامل
اخذي الجبن العكاوي وصفيه من الماي وابشريه
وحطيه فوق الكنافه كامله.. حطي الصينيه على نار هاديه جدا وحركيه بحركه
دائريه لحد ما تشوفين ان السمنه ذابت حوالي ربع ساعه مع تحريك الصينيه
عقب شيليه من ع النار وحطي صينيه فوق الكنافه واقلبيه
بتشوفين ان الوجه استوا مثل الكنافه .. قطعي الكنافه لمربعات وحطي عليه الشيره
وزينيه بالفستق .. وادعي لي