ما دري ها المكان مناسب عشان اكتب لكم سالفة ربيعتي اللي صيحتني من قلبي،،،،
موبايلي يرن ويرن ويرن حتى زغت وحسيت انه في شي مهم… لانه موبايلي أكثره واتساب ودردشة … بس انه يرن بها لطريقة 
الموضوع يخوف
يوم فضية شفت المكالمات من رقم واحد بس ما توقعت انها تتصل لي بها لكثرة لدرجة أني فكرت انه الموضوع فيه مصلحة… ترددت اتصل حقها بس اتصلت
ردت علي وهي تصييييييييح 
بموت من الصياح ،،، قلبي يدق بسرعة بسررررعة مصدومة ومستغربة،،،،
بلاااااااج شو صائر ليش تصيحييييين
ردت بصوت متقطع (( اخوي توفى وهو زعلان مني))
صدمتني وشوي شوي عرفت منها انه اخوها توفى بحادث سيارة وما شأفته من فترة وآخر مرة مرمستنه بالتلفون ما خذ وعطا معاها وقال حقها ما بيني وبينج سلام ولا كلام وبند فويها
سألتها شو اللي صائر من بينكم … قالت ماشي بس استغربت منه يوم قال لي هالرمسة وبند فويهي حتى قعدت أصيح وبعد فترة طنشت السالفة ،،،، ولانها متزوجة فكانت مشغولة وما صادف انها التقت معاه من بعد هالمكالمه …
المسكينة قلبها محترق على اخوها انه توفى وآخر شي كان من بينهم هالزعل اللي مب عارفة هي للحين شو سببه!!!!
المسكينة تبا تعرف هل موت اخوها وهو زعلان منها ينحسب عليها؟؟؟ مع انها ما سوت له شي ولا غلطت عليه بشي….
تسألني بس أنا اللي اعرفه لو مات حد من والديك وهو مب راضي عليك الله يكون في عونك بس أخوك وهي اصلا ما غلطت عليه، هي عائشة بحزن لانها تظن انه اخوها مات وهو زعلان منها،، شو رأيكم وشو النصيحة؟؟؟
هامتني تصيح وعائشة هم انه اخوها مات زعلان منها….
فهذا ما يحتاجه
والله يرحمه ويرحمنا
خلاص هو راح والافضل عشان ترتاح خل تتصدق عنه
او تسوى سبيل باسم اخوهاا
وربي يتقبل منهااا
الدنيا ماتسوى نتضارب عشانها
المهم الغاليه خلاص ماشي فايدة من الضيقه
تتصدق وتدعي له وتسامحه وتستغفر له وايد
اللهم اغفر له وارحمه وارضى عنه اللهم صبر اهله اللهم أمين