السلام عليكم
اشحالكم بنات
بنات اخوي الصغير في المانيا يدرس — وحاليا قاعد مع عايله في المانيا — من اول شهر 11 هو هناك ولين الحين نزل 6 كيلوووو اهئ اهئ
قال انه يجز من اكلهم لانه الدياي مصعوق — ويستحي يطلب من العايله يطبخوون له شي معين
وهو مايعرف الطبخ وله شي
فقلنا بنطرش له اكل من هني بس اريد اعرف هل الاسئله :؟
* ممكن انطرش اكل يعني شرات
معمول التمر – مكسرات – سح– كورنفلكس– حليب مجفف ؟؟
* اذا نقدر كيف ممكن اطرشه عن طريق شوو ؟؟
* والسؤال الاخير اذا تعرفون اشياء ممكن انطرشها ماتحتاي طبخ تكتب لنا بليز ؟؟
انتظر ردكم بنات
او حتى يحاول يسأل عن اماكن المطاعم الاسلاميه اي حد والا يتصل بالسفاره يسألهم
وان شاء الله البنات مايقصرن وياج ..
بس لايتردد او يستحي خل يسير السفاره احسن شي
شي واحد من الطلبه نقلوه للسكن ويا عائله مسلمه عندهم اولاد ووايد ارتاح وياهم
شوفي اتصلي بالشركات العالميه .. مثل DHL , UPS , Fedex كلهم لهم فروع في دبي وبوظبي
في برلين وميونخ وكولن وبون ودسلدروف وااااااااااااااااااااااااايد مسلمين ومذابح اسلامية واكل اسلامي
حتى دياي دو المذبوح ع الطريقة الاسلامية ينباع عندهم وايد
وفيه كل الاكل اللي ذكرتيه فوق .. فيه كورن فليكس ومعمول وكنافة وبقلاوة وكل شيء كل شيء
عليه يدور بس .. يسير سو قالاتراك او الايرانيين او السوق الهندي
المطاعم الايرانية كثر شعر الراس وأكلهم احلى من اي مطعم ايراني عندنا ..
اخوج يتدلع ..
لو يدش قوقل ويحط في البحث مطاعم اسلامية في المانيا بلقى بلاوي