اخوي في المانيا متوهق ساعدوني

السلام عليكم

اشحالكم بنات

بنات اخوي الصغير في المانيا يدرس — وحاليا قاعد مع عايله في المانيا — من اول شهر 11 هو هناك ولين الحين نزل 6 كيلوووو اهئ اهئ

قال انه يجز من اكلهم لانه الدياي مصعوق — ويستحي يطلب من العايله يطبخوون له شي معين

وهو مايعرف الطبخ وله شي

فقلنا بنطرش له اكل من هني بس اريد اعرف هل الاسئله :؟

* ممكن انطرش اكل يعني شرات
معمول التمر – مكسرات – سح– كورنفلكس– حليب مجفف ؟؟

* اذا نقدر كيف ممكن اطرشه عن طريق شوو ؟؟

* والسؤال الاخير اذا تعرفون اشياء ممكن انطرشها ماتحتاي طبخ تكتب لنا بليز ؟؟

انتظر ردكم بنات

على حسب علمي .. فيه وايد مطاعم اسلاميه في المانيا … هو ساكن في اي منطقه .. ؟؟
او حتى يحاول يسأل عن اماكن المطاعم الاسلاميه اي حد والا يتصل بالسفاره يسألهم
وان شاء الله البنات مايقصرن وياج ..

خل يتصل بالسفاره وهم بيساعدونه وبسهوله لان المانيا فيها مطاعم الاتراك المسلمين منتشره بكثافه
بس لايتردد او يستحي خل يسير السفاره احسن شي
شي واحد من الطلبه نقلوه للسكن ويا عائله مسلمه عندهم اولاد ووايد ارتاح وياهم

مشكوره الغاليه هم حصلو مطعم تركي — بس بعد الاكل يقول مب هاك الزود ماينبلع

بس اهم شي الحين اريد اعرف عادي انطرش خفايف من هني عن طريق خدمه التوصيل السريعه ارامكس اوغيرها —- لانه في دول تمنع الاكل ؟؟

اعتقد الغاليه يستوي .. فيه شركه عالميه تطرش لين باب البيت اللي هي UPS توه من اسبوع وصلني طرد منهم وكان فيه شوكلت .. بس اعتقد اهم شي مايكون في شي سوايل ..

شوفي اتصلي بالشركات العالميه .. مثل DHL , UPS , Fedex كلهم لهم فروع في دبي وبوظبي

مثل ما قالوا الخوات وايد مطاعم عربية اتذكر اختى زاد وزنها والسبت كل يوم تاكل من مطاعم العربية والللبنانية يسال من السفارة وبيساعدونه والله يوفقه انشا الله

وين ساكن هو

في برلين وميونخ وكولن وبون ودسلدروف وااااااااااااااااااااااااايد مسلمين ومذابح اسلامية واكل اسلامي

حتى دياي دو المذبوح ع الطريقة الاسلامية ينباع عندهم وايد

وفيه كل الاكل اللي ذكرتيه فوق .. فيه كورن فليكس ومعمول وكنافة وبقلاوة وكل شيء كل شيء

عليه يدور بس .. يسير سو قالاتراك او الايرانيين او السوق الهندي

المطاعم الايرانية كثر شعر الراس وأكلهم احلى من اي مطعم ايراني عندنا ..

اخوج يتدلع ..

لو يدش قوقل ويحط في البحث مطاعم اسلامية في المانيا بلقى بلاوي