بدش فالموضوع بسرعه الله يخلييييييييييكم ابا حلل
ياطويلات العمر انا الوالده الله يحفظها هنديه واتشرف فيها المهم ابوي مطلق امي من وانا صغيره عندي من امي اخوان ولدين وبنتين احبهم وااايد وااايد صح هم اخواني من امي بس , لكن احبهم اكثر من روحي مادري ليشش سبحان الله ,, اخوي اللي اكبر واحد فيهم عمره 20 وانا عمري 23
ولله الحمد انا معرسه صح اني عرست صغيره بس مرتاحه وعندي ثلاث بنات كلهن صغار فديتهن والله ..وريلي حبوب وزين بس ساعات يستوي نحيس خخخخخخخ ماعلينا
المشكله اني اخر مره سافرت الهند كنت فرحانه وااايد المهم
تمينا هناك تقريبا سبوع وشي ,, طبعا هناك انا ارمس ويا اخواني انقلش لانهم مايعرفون عربي والوالده ارمسها عربي اقرب واحد لي من اخواني اكبرهم اللي عمره 20 بس اخوي هاذا اشوفه
يتم يطالعني نظرات جي مادري كيف يتم يطااااااااااااااااااااااااالعني يمكن ساعه هو يتحراني انا مب منتبه بس انا ادري انه يدقق فيني بس اسوي روحي مادري !!
وشكلي غلطت لما تميت ساكته اشوفه قام يقولي انا احبج انا قلت له وانا بعد وااااايد احبك
اشوفه يتم يقولي لا لا مب جي انا احبج ؟! اقوله انزين وانا بعد !! يرد يقولي انتي ماتفهميني ولاتحسين فيني وانا يالسه ومبققه عيوني واطالع @.@ !! انزين استوا كم موقف مادري كيف قمت اشك والعياذ بالله انه يفكر بشي غلط عني وانتو افهمو وقولو لي هل تفكيري صح ولا غلط ؟
الموقف الاولي كنت سايره حجرته ادور عطر عادي مافيها شي ,, اشوفه دش قالي شسوين ؟ قلت له ماشي بس ادور عطر قالي اصبري سار وظهر عطر من الدرج وتم ميود الغرشه يقولي جان تبينها تعالي خذيها وانا والله العظيم مافكرت شي قلت اخوي عادي سرت احاول اخذها من ايده
سحبني صوبه وحضني !!!!!!!! وباسني انا هني تدرون تيبست مكاني
ماعرفت اتحرك بغيت اموت حسيت حد صب علي ماي مثلج بس قلت اعوووذ بالله من ابليس هاذا الشيطان يوسوس لي قلت يمكن كل الاخوان يسوون جي ولاني عشت وحيده ماعرف ظهرت من حجرته وماخبرت حد بالموقف
عقبها بكم ساعه ياايب لي كريم ويقولي حطيه على ويهي انا قلت يحليله اكييد امي ماتسوي له سالفه خلاص بحطي له كريم على ويهه ولا اشوف اخواني كلهم يااايين اونه حطي لنا كريم ههههههههههههه
المهم قلت له ايلس بحطي لك يقولي لاااا برقد على حضنج @@ قلت له شوو!!
ايلس وبلا مصخره اشوفه شوي بيصيح ماسويت له سالفه وتم زعلان كم يوم
الموقف الثالث في مره كنت يالسه اسولف ويا امي قلت لها ان شاء الله يوم فلان …. بيخلص كليه بنخطب له وبرقص في عرسه ^_______^ وكنت فرحانه
تدرون شو قال : اونه وين بلقى مثلج قمررر !!! استغفر الله ويتم يقول اشياء غريبه
دووم يقولي ابا بوسه وبعضج ومادري شوو وانا ماااااااااااااداني هاي السوالف
واسلوبه غريب من يشوفني لابسه شي حلو يتم يطالعني وغيره وكل مايشوف ريلي يحليله يالس حذالي يتم يتحرطم بالانقليزي ويقولي هااذا ليش جي يلحقج من مكان لمكان وهاذا ليش يغار مني ّ!!!
ومن هالكلام ويتم مبوز ويتم يقولي تعالي نسير نيلس روحنا ومادري شو
قمت اخاف منه واتجنبه واستوا لي موقف هناك فالهند كرهت حياتي منه
كنت سايره وياه السوق هو وامي وامي يحليلها نزلت الدكان تشتري مواعين تمينا انا وياه
وانا ماكنت لابسه غشوه ولا نقاب لاني اصلن مالبس نقاب المهم اشوف مره وحده رفع ايدي وباسها
انا قلت ماعليه يمكن يقول في خاطره اختي وبعيد عنا وجي ومشتاق لي كاخو لاختها مب اكثر
اشوف ولا واحد عطاه كف ورى راسه ويتم يرمس هندي واخوي يرد عليه وتضاربو فالسوق وانا
مبققه عيوني ومب فاهمه شي واستوت حشره فالسوق ولا شوي امي مشرفه وهي ترمس هندي بعد وانا خبررر خير مادري شوو مستوي اتحرى مضاربين لانه الاوتوو واقف غلط ( الاوتو ) وسيلة التنقلات المشهوره فالهند ههههههههههه المهم عقب سئلت امي شو مستوي تخيلو الريال شو قايل لاخوي شل ربيعتك وسيرو البيت سووو اللي تبونه !!!!!!! اونه ماشي اخو يسوي جي لاخته
وانا يالس اطالعكم من ساعه =0(
لما امي قالت لي جي بغييت اموت ليش ليش جي انا شو سويت والله العظيم ماسويت شي
انا صح احب اخوي ومب في خاطري شي وانا مالي خص فيه اذا يسوي هاي الحركات
والله كرهت عمري وكرهت اخوي ودعيت عليه
وقلت لريلي خلنا نرد على اقرب طياره
بس ماعرف السبب المصيبه احينه هو يحن ويزن يبا ريلي يسوي له فيزة زياره
وانا ميته خوف منه مابااا قمت اخاف يسوي فيني شي
وريلي دوامه بعيد ,, اخوي يتصل فاليوم سبع ثمان مرات ويطرش رسايل حب وخرابيط ومادري شوو
قوولو لي شسوي قمت اخاف اسافر لامي مره ثانيه وبعد اخاف اقول لها وتستوي مشكله عوده
ابا الحل ادري طولت عليكم بس والله مالي غيركم اشكيله اتريااااكم
عفكره تدرون والله كنت ناويه اييب اخوي هني يدرس بس يوم هاي سوالفه ترددت
أخوج تربيته غير تربيتكم وعاداتهم غير عاداتناا
لالا تقطعين الوالده أبد وكلميهاا
أما أخوج هذا قولى له عيب الى تسويه وسوى لهاا طاف
ولالا تردى عليه ولالا تعبريه أبد
وأنتبهى لالا تسوين له فيزه أبدأً أبداً
في وايد اخوان حنونين على خواتهم
بسسسسسسسسسسس مش هالشكل
انتي عرفتي هالشي الحين
ربي يهديه
بس شوري عليج انج تحذفينه من حياتج
واذا استدعى الموضوع خبري ريلج انه يطنشه وما يسويله فيزا وقوليله السبب
مش بالتفصيل طبعا و اكيد عندج الطريقه المناسبه
بليز انتبهي عنفسج اختي و ربي يحفظج و يحفظ ريلج و بناتج يارب
واذا عشان امج ,, يوم تتولهين عليها سويلها فيزا زياره وهاتيها عندج فترة
بس اخوج ,, الف لا واسمحيلي
مافي اخو يسوي لأخته جي !! أبدا
تكلمين اخو ج و تكونين صريحة معاه وتفهمينه ان لكل شئ حدوده ومثل ماقالت الاخت عاداتنا شئ وعاداتهم شئ ثاني .. ولاتسمحين له يستهبلج لانج انتي فاهمته هو ضارب الدنيا صرم
عن يوصل البلاد ويسوي لكم مشكلة ..فكلميه مرة وحده و خليج صريحة معاه هو مش مراهق ولا صغير عشان يسوي هالحركات ..
والله يوفقج ان شاء الله
الغالية خبري امج وخبري ريلج عسب يتحذر منه وما يسوي له فيزة وقعدي عنده انتي وامج وفهميه انه هو بس اخوج لا اكثر ولا اقل وانج تحبين ريلج
والله ما اعرف شو اقولج اكثر صدمتيني
وردي البلاد احسن ولاتفكرين ابدا تسوين له فيزا
الشيطان شاطر وبعدين تربيته غير عن تربيتكم
فـ من الافضل انج تبتعدين عنه واذا عشان امج تقدرين تروحين لها بس طنشي اخوج ولاتسوين له اي سالفه
والله يهديه ويبعد عنج الشر