اخيرا عملت اشعة الصبغه وآخ منها

السلام عليكم
في البدايه أحب أشكر كل واحده طمنتني عن اشعة الصبغه ودعت لي
انا اليوم عملتها وعملت بنصايحكم وكنت مسترخيه بس والله تألمت كثير ما ابي أخوف أحد طبعا في البدايه عطوني ابره في العضل وبعد عشرين دقيقه دخلوني غرفة الأشعه عطوني لبس ازرق حق العمليات وقالوا لي أشلح كل شي ونمت عسرير الأشعه وبدأت المعاناه
انا كان عندي عنق الرحم ضيق
حتى الدكتوره استغربت وقالت انتي متزوجه من ثلاث سنين أكيد؟قلت ليش؟قالت ان المنطقه ضيقه وعشان جيه تألمت كثير لما عملت لي الحديده اكرهها موت والله اول مادخلت الصبغه حسيت كأنها طلعت لراسي وجتني دوخه وحسيت كأني في عالم ثاني والألم كان أشد من الدوره ونزل علي دم الى الآن مستمر طبعا هم عطوني ابره قبل الأشعه بس وجودها زي عدمها بس الحمدلله كانت النتيجه سليمه
وارتحت بعدها وماندمت اني عملتها بالرغم من العذاب اللي شفته بس اهم شي اني تطمنت وارتحت وانصح كل واحده متأخره بالحمل بدون سبب واضح تعملها
ادعوا لي احمل بعدها

ومره ثانيه أشكر كل وحده دعت لي وطمنتني وابي اوضح نقطه ان الم هالأشعه يختلف من وحده الى أخرى

حمدا لله على سلامتك أختي

بس عفوا هاي الأشعة لشو بالظبط

الحمد لله على السلامة والحمد لله تطمنتي وارتاحت نفسيتك وهذا بدورة له اثر ايجابي على الانجاب كذلك الاشعة الملونة بعض الحريم يحملن بمجرد انهن يسونها
وان شا الله ربي يرزقك الذرية الصالحة
ممكن الي مسويتها وقد خلفت ما تشعر بالم مثل الي لس ما انجبت

الله يوفقج"

الله يرزقج الذرية الصالحة

الله يرزقج وكل محرومه بالذريه الصالحه ان شاء الله

تستاهلين السلامه