ادلو بدلوكم احسن اماكن لاعداد كيك المناسبات او الحفلات وخاصه للاطفال

مساء الخير.. هذا اول موضوع اطرحه.. وبحكم اني اعشق الحلويات، حبيت تشاركوني هالموضوع (ما ادري اذا تم طرحه مسبقا)

الموضوع: شو خبرتكم مع محلات الكيك؟ افضل الاماكن؟ افكار جديده ومبتكره؟

انا جربت القائمه التاليه:
1- باسكن روبنز: كيك الايس كريم وخاصه كيك شوكلت مع بارالاين.. روووووعه.. عادة يجب الطلب قبل بيومين
2- كوكوز (في دبي شارع الشيخ زايد او في سيتي سنتر): هو مطعم لكن يسوي كيك (تريبا شوكلت) رووووعه… بالنسبه للمناسبات اما انج توديلها ورقه اي 4 ومسويه عليها تصميم بالفوتوشوب او صوره وهم يطبعونها على شريحه السكر (طعمها لذيذ) او تختارين من بين التصاميم اللي عندهم في الكتالوج وهي تصاميم بسيطه.. الطلب قبل بيومين والتوصيل من فرع الشيخ زايد فقط… وداخل دبي فقط
3- فرنش كونكشن (شارع الشيخ زايد بعد كوكوز بمسافه وقبل فندق شنغريلا على طول): افكار عجيبه ومبتكره… ابداع الصراحه.. ما اقدر ازيد في الكلام..
4- كافيه شكسبير (جميرا) يسوون طبقات شبيهه بحلاوة بونابرت (ما اعتقد تعرفونها) المهم طبقات هشه مع كريمه خفيفه مزينه بالكراميل… لذيييذه وتنفع للكبار اكثر
5- عادة الفنادق الكبيره يسوون كيك وتصاميم راقيه.. واحسن شي الاتصال والسؤال

انتظر ردودكم الغاليات.. ودمتم