خواتي انا محتاره في امري ومب قادره اتخذ قرار .. ماادري
تقدملي شخص اخلاقه عاليه وريال يعتمد عليه .. طيب و سمعته طيبه بين الناس
لكن فيه شي واحد .. والله يشهد ان مااشوفه على انه عيب او نقص فيه لااا.. لاني بطبيعتي مايهمني الظاهر كثر ماا اني ادور على معدن الشخص وجوهره
الريال فيه بهااق .. صح انه يصنف ك مرض .. لكن ماله تاثير ابد من نواحي ثانيه ولا انه ينتقل
انا مش صغيره .. والحمدلله تفكيري مش سطحي انه ينحصر عالشكل وخلاص لااا .. تفكيري اكبر من جيه لكن موضوع مثل هذا اعتقد انه يحير اي بنت ويخليها تفكر وااايد وااايد
مع العلم انه اول شخص يتقدملي .. وهذا يخليني احتار زياده في اني اتخذ قرار
شورن علي خواتي
وتوكلي ع الله
ياما في رياييل … جمال ورزانه واخر شي استغفر الله يارب ..
انا من رايي .. دام الريال هاي مواصفاته اتوكلي على الله .. نادر ماتلقين رياييل بالصفات هذي…
الله يطمن قلبج ويرزقج الخير انشالله .. 
دام انه مرض مو خطير وماله تأثير على المدى البعيد ..
+
إنتي قلتي إن أخلاقه عاليه وسمعته طيبه ويقدر يفتح بيت ..
يعني مايعيبه شي ( أقصد عيب جوهري )
ومافي أحد كامل .. الكمال لله سبحانه وتعالى
وخلي في بالك مو كل يوم أو كل مره بيجيك واحد زين ..
رأيي إستخيري ربك ووافقي عليه وربي يسعدك ..
توكلي على الله وصلي استخارة …
(من أتاكم ديناً وخلقاً فزوجوه )