شخباركم إن شالله بخير….
قطعت عن المنتدى فترة لأن صار معاي ظرف إني خسرت بنتي واجهضت والحمدالله الله على كل حال. نفسيتي كانت شوي تعبانة بس إيماني بالله كبير وقدر الله ما شاء فعل.
عن موضوع اربيعتي اللي خبرتكم عنها وكانت مسحورة بسحر مأكول هذا الرابط
https://forum.uaewomen.net/showthread.php?t=879322
خواتي أبشركم إن اربيعتي ملجت وما شالله كل شي صار في اسبوع اتفقوا الحريم والرياييل، وسبحان الله تسهيلات من رب العالمين
و الحمدالله وايد مرتاحة مع ريلها ورب يتمم عليهم إن شالله، وعرسها 11-11 إن شالله. صارت معاها تهيئات وخوف في البداية بس كلنا كنا معاها، كانت بعدها تتهيأ إن بعدها مريضة واهلها اتصلوا في شيخ وقال هالشي طبيعي من كثر ما شافت والقراءات اللي انقرت عليها، بس قال لازم تنسى و عشان تتطمن قال يبوها بقرا عليها، والحمدالله قرا عليها وما حست بشيء
الحمدالله الخوف زال الحين وبس هاي نهاية معاناتها ويا رب ترزق كل بنت بالزوج الصالح وكل محرومة بالذرية الصالحة
اللهم آمين
وربي يتمم زواج ربيعتج على خير 
ربي يتمم الزوآج على خيير ويوفقهـآأ ..
والحمدلله وبالمبارك لـ ربيعتج مع اني ماعرف قصتها بس استانست لها ، ربي يجعلها قرة عين زوجها ويجعله قرة عينها ويبارك لهم في بعض ويتمم زواجهم على خير ،،
وربي يعوض البنوتات بخير الرجال والازواج ،،
الحمدلله لك يارب وربي يتمم امرهآ على خير ..