ارتفاع ضغط الدم والوزن اثناء الحمل افيدوني

السلام عليكم ورحمه الله وبركاته

هلا خواتي حبيت اسألكم لأني احس نفسي في مشكله واخاف انها تكبر

انا حامل فالشهر السادس وهذا اول حمل لي .. بس من شهر تقريبا كان ضغطي مرتفع شوي وآخر مره كان 130/80 وحتى وزني زاد 3 كيلو بس في شهر مع العلم اني قبل ما يرتفع عندي الضغط وزني ما كان يزيد إلا بالكثير نص كيلو فالشهر

حبيت اسألكن هل الضغط له علاقه بالوزن ؟؟
وهل ممكن انزل وزني وانا حامل ؟؟
وشو الاشياء اللي تنزل الضغط ؟؟

الله يبعد الشر عن الكل

بليييييييييييييييز افيدوني

والله ماعندي فكرة اتمنى خواااتي يفيدونج ..

ما عندي فكره يا االغاليه ادا ارتفاع الضغط يؤدي لزيادة الوزن

بس لا تخافين انا كل شهر وزني يزيزدمااشااء الله 4 كغ رغم اني مسويه كنترووول على الاكل …
و فحوصاتي الحمد الله سليمه …. بس ما اعرف شو سبب زيادة الوزن الزاايده عندي

ان شاء الله ما فيج الا العااافيه

انا صارلي في اخر اسبوعين من حملي ..

زاد وزني 3 كيلو في اسبوع ..

خوفوني قالولي بيرقدوني و بيسون لي طلق صناعي ويولدوني شردت عنهم ..

انصحج ماتفكرين وايد في الحمل ولا الولادة ..

الله بيسهل عليج إن شاء الله ..

اشربي كركدية بارد ويا سكر ينزل الضغط ..

ولاتاكلين ملح في اكلج والوزن عقب الربى بينزل أهم شيء تنظمين اكلج ..

وإذا حسيتي بصداع ولا اذونج تتسكر ع طول سيري عيادتج او المستشفى لي تراجعين ..

فيه بيكون الضغط مرتفع عندج وعقب مب زين حق الياهل ..

وحاولي ماتعبين عمرج وايد في الحركة ريحي عمرج ..

ربي يسهل عليج ان شاءالله

اذا زاد الوزن عن الحد الطبيعي ممكن يسبب ارتفاع في ضغط الدم
تقدرين تتبعين الاكل الصحي وإن شاءالله راح ينزل وزنج

الله يعينج بس الياثر سلبي مش أجابي