وعلى حسب الجو السنه يعني العااام كااان ابرد عن كل سنه وبس المانيا وفرنسا كانت شويه أدفى عن لندن ,,
لكن شهر سبعه ساعات تيهم موجة حر ,, وعن الأكل تقدرين تشلين وياج مثل الجدر الكهربائي الي مال العيش الا اذا شقتكم او فندقكم فيه مطبخ ,, احنا شلو عيش وأنواع الجبن وحرمه كانت يايبه وياها سحناه وطرشتلنا بس ما احبها وحتى الرطب شالينه وفي اشيا مثلا اساسية عيالج ما يستغنون او ما يتقبلوون غيرها شليها وياج ما يقولون شي بس خلي اي شي سائل في الشحن لانه ما يدخلونه وياج الطياره حتى الماي الحار يقولج بيعطونج في الطياره حق عيالج بس يتساهلون في مطارات الدولة لكن وانتي راده ما يخلون حتى لو عندج قلوس يحطولج اياه في كيس ويربطونه واذكر كنا شارين ماي من المطار وبغينا ندخل السوق الحره عشان نسير الطياره
قالت تخلصووون دبة الماي جدامي قلنالها ما نبا نشربها قالت تشربوونها يعني تشربوونها وكلنا كنا شبعانين وما اذكر منو شربها ومرت عمي نازله ترانزيت مطار هيثرو ويايه من امريكا قالتلها الحرمه اشربي الباجي من مرضعة بنتج !!!!!!!!!!!!!!!!!!!!!!!!! قالت حتى لو قلتي شربي بنتج ما بشربها خاست المرضعه اكثر عن ثمان ساعات قالت على راحتج ما بطوفين قالت بجبها في الزباله ولا اشربها تبغيني اموووت ولا امووت بنتي ؟؟؟ وعقب ما خلتها قالت اسمحيلي بجبها ولا اذا استوالي اي شي برفع عليج قضيه وعقب طوفتها
فأنتي في هالمواضيع اتجنبيها ولا تشلين اي عطر لانه بياخذونه عنج خليهم كلهم في الشنطه
وشوفي وين منطقتكم واتأكدي اذا فيها سوبرماركت عربي ومطاعم عربيه بس بتملووون من اكل المطاعم فممكن تطبخون روحكم لو مره في الأسبوووع وبيرحكم اذا عندكم دكان او سوبرماركت وايد اغراض ما بتشلوونها بتحصلووون عندهم العيش وحتى حليب بوقوس وجبن بوك وماي العين ومسافي كنا نحصل في دكاكين لندن مال العرب
واي معلومه ثانيه انا في الخدمه
اختي لاتشلين شي معاج غير التمر والقهوه والهيل والزعفران والبهارات وبعد كل شي موجود اهناك لنه كل شي موجود اهناك انا يلست فيها سنتين حتى السمج موجود والحمدالله وفي شهر 6 و7 حر وبتستأجرين مكيفات واذا تبين اي شي علميني ونصيحه لاتشلين الخدامه مهما كانت جنسيتها وكل المحلات موجوده والسكن بيكون قريب على محلات العرب وفيه شارع الاتراك كل شي موجود ما بتحتاجين شي
و اتردون بالسلامة
الخوات ما قصرن فوق ^.^
انا وحده منقبه والبس عباة رااااااااس ياليت تفيدوني ريلي يقول ممنوع النقاب