اريد أدرس والله العظيم أريد أدرس

السلام عليكم
مشكلتي أني أريد أدرس بس نسبتي ضعيفة جداااااااااااااااااااا(49.3%) سألت كل الكليات عندنا في العين ما فية كلية رضت تقبل فيني ليش لأن نسبة الإنتساب عندهم (60%) ليش فاتحين كليات خاصة وندفعلها فلوس وهي ما دخلنا ألا بنسبة كان أحسلي أشد حيلي شوي وادش جامعة حكومية ابرك
أكيد بتجولن عيدي السنة أحسن بس لا أنا ما أريد أعيد السنة حرام عليكم أنا منازل ما أقدر أعيييد لا وألف لااااااااااااااااااااااااااا ساعدني في هذي المشكلة بلييييييييييييييييييييييييييز تكسب أجر فيني طالبة علم

والله ما ادري يختي ان شاء الله الخوات ما بقصرن معاج وربي ينولج مرادج.

هلا
الحين اصلا كل شي اتغير حتى الكليات الخاصة يبون فوق 60 ماشي حل ياانج تعيدين السنه او اتشوفين معاهد …

الغاليه اخذي دورات اي سي دي ال وسكرتاريا وتوفل او ايلس

وهذي الشهادات تنفعج

الله يعينج والله

مرحبا الغاليه
فديتج والله اني احترم فيج هالشي ..انج تطلبين العلم ماشاء الله عليج
انزين دام انه ماشي بايدج ..ما لج بارض تعيدين الدراسه وماشي كليه تقبلج بهالنسبه
شو رايج ببرنامج التوطين ؟ او حتى برنامج سوق العمل اللب بهالرابط :https://www.mopa.ae/MOPA/Arabic/citiz…ketApplication
او تعرفين ما اعرف اذا يطبق هني فالجامعات والكليات بس تنشدي ..اللي هو يسمونه فيرست دبلوما ..هاي تعادل الثانويه العامه .. وعن طريقها تقدرين تدشين اي جامعه … حكوميه كانت او خاصه .. وهي تكون عباره عن 6 مواد تقريبا تدرسينهن تقريب 9شهور ..هالمواد اللي تاخذينهن يرتبطن بالتخصص اللي تحبين تخاذينه في المستقبل ان شاء الله .. هاي طريقه .. طريقه ثانيه دامج في العين قدمي اوراقج جان تبين في اي جامعه في البريمي تراهم يقبلون اي نسبه دام انج بتدفعين الرسوم … وربي يوفقج الغاليه

من راي اتعيدين السنه و اتشديين حيلج

اختي يوم انج تبين تدرسين جان شديتي حيلج من البدايه لان مافي كليه بتقبلج و الخاص مب كلهم يقدرون يدفعون

السموحه