اسئلة اباحد يجاوبني عليها

انا اليوم كنت سايرة بيت خالتي و ربيعة بنت خالتي كانت اتصلي ويانا في الميلس فيوم خلصت صلاتي و سلمت قالتلي لازم ما ادور ويهي يكبره صوب اليمين و بعيدن صوب اليسار. قالتلي انه لازم بس شوي الف يمين و شوي يسار من غير ما عيوني تفرق السجادة ؟ فسؤالي هو.. هل كلامها صحيح و يا ريت حد يقوللي نحن يوم نسلم هل انسلم على الملائكة اللي على جتوفنا و لا لا؟

ثاني شي .. مسألة الحواجب انا كذا وحدة اتقوللي انه مب حرام فماعرف شو الصح الحين. اتقول انه القصد من النامصة البنات اللي يشلون كل شعر حواجبهم و يرسمون تاتو مثل ايام الجاهلية. بس انا سمعت انه الله لعن هالشي لأنه شعر الحاجب حساس و يأثر على النظر؟

ثالث شي انا يوم اغتسل من الحيظ انوي اني اطهر لكن بعد اقول اشد ان لا اله الا الله و اشهد انه محمد عبده و رسوله .. فهل هالشي بدعة و لا من السنة ؟

رابع شي .. كنا نرمس عن الصلاة على السجادة و ربيعتي (شيعية) اتقول انه الصلاة على التربة اطهر و انه الرسول صلى اللى عليه و سلم عمره ما سجد على سجادة .. فهل هالكلام صحيح ؟ و شو مدة صحة انه انصلى على التربة؟

خامس سؤال عندي هو .. انه انا البس جينز و بناطلين تحت العباية و عبايتي اتكون مسكرة .. هل هالشي حرام لأنه يالسة اتشبه بالرياييل؟ و شو لو لبست بنطلون حق ريلي بس (مب الغرض التشبيه بالرجال)؟

يا ريت حد يرد على اسئلتي

محد رد علي

اسمحيلى ان شاء الله يردون عليش البنات

ليش محد رد ؟