خواتي انا صدقا طول عمري ونا متينه وايد ومدبدبة وفترة المراهقة عندي كانت كلها محاولات فاشلة
لين دخلت الجامعة وشفت الحافز اللي خلاني حتى افكر اربط الفكين مالي ههههههههه
لكن رحمة ابويه حلف ابطل هالحديد الي في ثمي
ولحسن الحظ كان شي جامعة تسوي دراسة حق ريجيم هدفه يصغر حجم المعدة طبيعيا عسب مستقبلا كمية الاكل تكون صغيره مشبعه
المهم الريجيم بلخصه لكم
اول شي تراقبين كمية اكلج في اول يوم وتحسبين بالضبط كم تاكلين
عقب تسوين حسبتج انه في الاسبوعين الي عقب اليوم الاول تاكلين هالمقدار (تشلين من الكمية العادية نص الربع) من كل شي حتى الشاي او الفواكه اي شي
مثلا لوح شكوليت : تشلين نص ربعه وتاكلين الباجي
الاسبوعين الي عقب تشلين الربع كامل
الاسبوعين الي عقب تشلين الربع مع نص الربع الثاني
الاسبوعين الي عقب تشلين النص كامل
هني كل الاكل (حلويات ، مكسرات، شيبس ) تاكلين منها الربع بس
ابتعاد نهائيا في هذه المرحلة عن البيبسي ، المشروبات الغازية،
للفائدة شي ماي فيه املاح معدنية لو حصلتيه شربي منه دوم
يوم يخلص الاسبوعين الي كنتي تشلين نص كمية الاكل تبدأين اسبوعين وجبة العشاء لج تكون الساعة 6
عقب هالاسبوعين
سوي اختبار حق عمرج يعني حطي وجبة اكل عادية وشوفي الكمية الي تشبعج لو كانت اكثر عن نص الكمية العادية تزيدي اسبوعين من اخر اسبوعين
لو كانت نص او اقل عن النص تكونين نجحتي في تصغير معدتج طبيعيا وتوصلين بدون اي مقياس للوزن المثالي الي بيثبت عليه جسمج بروحه
خلال هالريجيم كنت اسوي كثر مشي سريع لكن نصيحتي لج يبي جهاز البادلنج لنه يخسرج سعرات ضعف المشي ويشد كل جسمج
اتمنى الكل يستفيد
ونا الحمدلله من 10 سنوات وزني ما زاد وعرست ويبت 3 عيال الحمدلله وبعده وزني مثالي
ارادة وصبر
والحين اكل كل شي لكن الكل يلاحظ عليه اشبع اسرع عن ياهل
الله يوفقكم كلكم والي عندها اي استفسار انا جاهزة
الصراحه ما فهمت ولا شي خخخخخخ .. ممكن اتوضحين اكثر 
المشاركة الأصلية كتبت بواسطة ام هاجس 
الي تحركين فيه ريولج مع ايدينج
شوفينه هني
https://www.youtube.com/user/TECHNOLIFEMALL
هذا اكثر جهاز يحرق سعرات وفيه منه نوعين ترى ومعظم الي يشتغلون بالجيم حتى ما يعرفون
واحد يحرك معظم عضلات الجسم وواحد يحرك كلللللل عضلات الجسم