استفساار عن الليسن .,

مرحبااااااااااااااا,,,

اخبااركم خواتي ,,

انا ابغي اخذ ليسن بس في مشكله …, كيف اسوي تراي مع رياال..,؟؟!
انا مايعجبني هالشي ولا ريلي عاجبنه ..ويوم فتحت معاه الموضوع قالي لو شرطيه ماعليه بس كل اللي يسوون معاج تراي رياييل,, لو كنتي مكاني بتوافقين اني اسوي تراي مع ريال؟؟
يعني باختصارابغي اعرف وهالسؤال موجه للي ماخذات لياسن وللي غيرهن يعرف عن الليسن..

ممكن اني اسوي تراي مع حرمه .. يعني شرطيه..,؟

شرطي / شرطيه

احس عااادي مـاتفرق ..
اتحجبي أو اتنقبي .. و كلها ربع ساعـه .. ما بتطولين ..

أختي أنا خذيت الليسن من معهد الكلداري في دبي و التراي التجريبي سوته لي حرمة و الإمتحان كان ويا شرطية .إذا مب مرتاحة عريال يسوي لج التراي حولي ملفج عمعهد كلداري خاصة و انه في التراي يكون الشرطي أو الشرطية يالس أو يالسة على الكرسي اللي عدالج. خلها تسوي لج شرطية أحسن

على ايامي كان التراي ريال
اختي من شهرين ماخذه الليسن وحرمه اللي كانت وياها
ولا مره ركب وياها ريال

مع انها كانت طالبه انه اللي يقيمها ريال .. بس ما طاعوا الاداره
ترا فحص الرياااييل واااايد احسن عن الحريم

هيه اشكثرت اشتكت من اسلوبهم في التعامل .. زفت ولله الحمد
طبعا مب للكل .. في جروبات معينه

عن استفسارج لسؤالج .. الحين شي فاحصات للتقيم الاخير (الليسن)
ها عندنا في الشارجه .. مكان ثاني ما اعرف الصراحه

^___^

معهد الامارات كله حريم من اول درس لج في المعهد إلين ما تاخذين الليسن حريم في حريم ابدا ماشي احتكاك في الرياييل ( على حسب المعهد اللي مختارة )

وقت امتحان الفانيل تيلس وياج وحدة من هيئة الطرق والمواصلات مش شرطية

الفاحصات حريم من هيئة الطرق والمواصلات >>> إذا كنتي في دبي