استفسارات تشــقير ( الجسـم + الوجــه ) خبرونا تجاربكم لتعــم الفائـدة

الســــــلآم عليـــــــكم و رحمـــة الله و بركاتـــ،ه
يا مرحبـــــــا الســـاع باللـــي حــدروا موضـــوعي
اشــــحالكم جميـــــعا عســـاكم بخيـــر

حبايبـــي بعيــد عن المقــدمات راح ادش بالموضــوع على طــول
عنـــدي بعــض الاستفســارات الخاصــة بالتشقيــر ( للوجــه + الجســم )..

أنا من سنــة تقريبا استــخدم مشقر جولان ( رأيي فيــه بصـــراحة ، يطلــع الشــعر أصفر مب أبيــض ، و تقريبا يتم اسبوعيــن أو أقــل بشويـه ، و يفتح لون البشــرة ، فيه بعضهم يقولون يزيد الشعر لكن أنا الحمدلله مازاد عندي الشعر طول استخدامي له )..

أنا استمريت عليــه لأنه خفيف و ما يسببلي حساسيــة مع إنه ما يحققلي المطلوب إلا 60% ، فاللحيــن فديتكم راح اســتغنى عنه و بستخدم نوع ثاني و أبي أســألكم عــدة أشــياء يا ليــت تنصحوني و توجهوني فيــها..

أنا سويت سيرش بالنت و طلع إن الأغلبيــة يستخدمون مشقر باوندر و هـذا صورته ( سمعت انه يبيض الجسم و يخليه ناعم بس مب متأكدة من هالمعلومــة لأني ما جربت )

و نخلط البوندر مع الاكسجين و هذا صورته

اللحيـــن اللي عرفته إن الاكسجين اللي نسبته 6% نفس اللي بالصورة يطلع الشــعر أصفــر ( و أنا مابي اصفــر )
و الاكسجين اللي نسبته 9% يطلــع شعر الجــسم أبيــض ( و هذا المطلــوب ) لكنه شوي حار..

أسئـــلتي :-
1- هــل اقـدر أستخدم مشقر بلوندر للوجه مع وضع الاكسجين اللي نسبته 9 بدون ما يسبب حرق لويهي ؟ و إذا ما كان يناسب ويهي تنصحوني بمشقر من نوع ثاني ؟ لحد يقولي حفي ويهج بشمع ( مابغي لأنه بيطلعلي حبوب و ابغي التشقير لأن شعر ويهي خفيف الحمدلله )..

2- هــل يناسب المشقر مع اكسجين 9% لتشقير الجسم و لا اشتري اللــي نسبته اعلــى ؟

نصايح مهمه للجميــع..
حطي طبقة رقيقة من الفازلين على ويهج قبـل ما تشقرينه لأنه يخفف الحرقان و الاحمرار..
جربي بجزء من جلدج بالمشقر قبل كما تبدين العملية كاملة عسب تشوفين اذا عندج حساسيــة أو لا..

و كل وحدة تخبرنا شو المشــقر اللي تستخدمه ( للجسم + الوجه )..
نبغــي نستفيــد من تجاربكم