استفسار بخصوص الدوره فترة الرضاعه الطبيعيه

السلام عليكم

شحالكم؟؟؟

عندي استفسار بخصوص الدوره فترة الرضاعه الطبيعيه

خواتي في اليوم 38 من النفاس نزل علي دم عزكن الله لمدة 5 ايااااام ويوم كملت 43 يوم طهرت وعقبها ب 10 ايام نزلت علي الدوره عاديه شرات قبل 7 ايااام* كان تاريخ (13 من الشهر)) والشهر لي عقبه ياتني الدوره في اليوووم (( 12 من الشهر)) والشهر لي عقبه ياتني (( 7 من الشهر))

واحينه هالشهر مايات الدوره وكملت اكثر من 40 يوووم من اخر دوره

سويت فحص حمل مرتين والنتيجه ساااالب

واحس بويع ظهر وشرات ويع الدوره بس خفيف بس مانزلت للحين

استفساااااري في احتمال اكون حاااامل ؟؟؟

عاااادي تكون الرضاعه الطبيعيه سبب في خربطة الدوررررره وعادي تنزل شهرين وعقبهاااا تقطع ؟؟؟ حد صارله شراتي

وع فكره أنا ارضع طبيعي واعطيه صنااااعي اكثر شي طبيعي بالليل

اعتقد طبيعي لانه انا انتظمت معي بعد الشهر العاشر من الولاده بس انتظمت بعد ما وقفت منع الحمل مال الرضاعة لاني استخدمته من الشهر الثالث واول ما تركته انتظمت

انابعد مول مايتني من 3شهور لاني ارضع طبيعي واحس ساعات بالم كانها بتي بس على الفاظي

طيف الغربه … بس أنا ما أخذ شي لمنع الحمل يلا الله كريم

UAQ_LADY… اممم ماجد يتج مووول ؟؟؟ بس أنا يات ٣ شهور ورأ بعض وهالشهر طولت وايد ماعرف شالسالفه

يزاكن الله خير ع الرد

ان شاء الله خير
اذا تحسين حمل سوي فحص دم عسب تتاكدين
وربي يقدملج الخير يالغلا ^^

وأنا بعد مع أختي أسرار أحسن عشان تتأكدين بس معروف ان الرضاعة تخربط الدورة فديتج

عيل أنا لو أقولج قصتي بتنقعين من الضحك علي
أنا الله يسلمج حملت وربيت وأشوف الدورة عقب الأربعين مايت وطاف شهر عقب الأربعين وخبرت أماية جان تقولي لا حبيبتي لا تخافين انتي شكلج شراتي يوم أربي أتم سنتين ما تيني الدورة من الرضاعة وأول ما أفطم الياهل تيني الدورة وأحمل فحطيت فبطني بطيخة صيفي وقلت بس البنت على أمها وارتحت وايد ومرت ياختي ‏‏ شهور ومرضت فسوولي تحليل دم وطلعت اختج الحلوة حامل الدكتورة هندية وهي تقولي وأنا مب مستوعبة قالتلي انتي حامل ثلاث شهور كيف ماتعرفين جان أقولها شو دراني طعت أماية وما دريت ؟
ورديت البيت وكنت صدق زعلانه من الخاطر يعني ولدي صغير توه وأنا مسودة ويهي وحامل ‏
المهم خبرت ريلي وعمتي وقاموا اللي يبب واللي يرقص وحمياني بيينا بيبي ثاني وانا مييته من الغصة
والحين الحمدالله بنتي عمرها سنتين وولدي ثلاث سنوات الله يحفظهم وسبحان الله انولدو في نفس التاريخ

أدري طولت عليج وطلعت من الموضوع بس قلت أفرفشج شويه وأخليج مستعدة لكل الاحتمالات

ربي يوفقج اختي

لا حول ولا قوة إلا بالله