استفسار خواتي المتزوجات طالبتنكم

السلام عليكم

اشحالكم

اول مره اشارك في هالقسم

ربيعتي معرسه شهر 7 بتكمل سنه يعني من سنه ولين اليوم ما حملت

سارت العياده ع شان تعرف السبب

سولها تحاليل قالولها هرمون الحليب عندها مرتفع

وهي مب عارفه شو هالهرمون ومستحيه تسال امها وهي اكبر وحده في البيت

وياليت لو تفيدونها

وشو علاجه؟

والله ماااعندي فكره

بس لو اتم تراااجع عند الدكتوووره أحسن

من شو تستحي وبعدين هذي امها ماحد يحب مصلحت بنته كثر الام خليها تخبر امها وتروح تراجع عند دكتوره والله بيرزقها انشا الله بالذريه الصالحه يارب

دكتوره تعطيها حبوب بنزل الهرمون….لا تظن انه شيء خطير

بس نسبه حليب في صدر الحرمة يوم يزيد…يمنع شويه الحمل بس بالحبوب بنزل ان شاء الله..
ربي يزقها يا رب

اطمني … له علاااج …

مثل ما قلولج البنات ,,, حبوب تاخذه و بينزل ها الهرمون …
واايد بنات جذي … و ربيعتي و حده منهم ..

خليها تراجع دكتوره نسائيه و تتفاءل خير و الله يرزقها … وكل شي يباله وقت ..

الله يرزق كل بنيه خاطرها بنونو

مااعليج شر حبوووبه ،،
وأنا شرااتج عندي هرمون الحليب مرتـفع ..
ومأخر الدووره عندي صار لها 25 يوووم متأخره
وأنا مداااومه ع الأدويه ..
والدوااء أهم شي لأنه ينزل الهرمون

وربي يـهووون عليج