استفسار عن مؤسسة خطوات الحياه التعليميه

شحالكم خواتي ان شاء الله تكونون بخير وبصحه ونعمه
الله يسلمكم البارحه المسا اتصلت حرمه قالت انها من مؤسسة خطوات الحياه التعليميه واني انا معبيه معلومات في ورقه للمدرسه مال ولدي بس انا ما اتذكر اني عبيت ها الورقه اونهم بيون البيت وبيسوو اختبار للعيال في المواد الاساسيه علشان يشوفون مستواهم التعليمي ورمسة رمسه وايد شنها تقرا من ورقه وبسرعه وحددت معاي يوم الخميس هاذا الساعه 9 فليل وبيتصلون يذكرونا بالموعد ويدلون البيت
سؤالي في حد اتصلو فيه من هاي المؤسسه؟؟؟؟؟؟؟؟؟؟؟؟
لاني اول مرهاسمع فيها وشاكه في رمستهم
فيدوني قبل لا ادلهم على البيت ويصير شي انا مب متطمنه لهم
وجزيتم الف خير

دقي علاستعلامات واسئلي عنها افضل قبل لا تدلينهم بيتج الحين ماشي اماااااان انتي من اي اماره

للرفع

جزيتو خير خواتي على الرد
وبالنسبه للاخت اللي سالت من اي اماره انا انا من الشارجه بس قلتلهم ان اليهال في بيت يدهم ها الاسبوع في الفجيره قالوعادي نحن نوصل لكل الامارات فحددت الموعد في بيت يدهم احسن ما ابا ادلهم بيتنا

نسيت اقولكم انهم قالو ها المقابله فري بدون بيزات يعني
اتوقع يمكن شركه تعطي دروس خصوصيه
ما ادري بترييا ليوم الخميس وبرد عليكم عقب اخبركم شو صار

هلا خواتي بخبركم شو صار عندي يوم الخميس ..الله يسلمكم يا المندوب وامتحن العيال وشرح لنا وراوانا برنامج عنده في اللابتوب فيه تمارين تركز على تنشيط الذاكره والذاكره التصويريه ومسائل رياضيات وأشياء فعلا تحسين مفيده بس ها البرنامج يكلف 23ألف تقريبا يدفع لمده سنه ويظل البرنامج لحد ما يخلصو العيال الثانويه العامه وينمي قدراتهم العقليه وسرعة استيعابهم بس اللي مخوفني أنها تكون شركه وهميه بالرغم انهم قالو انها شركه وطنيه

مراحب..
مؤسسة خطوات الحياه التعليميه تعرض برنامج استشارات .. البرنامج عباره عن استشارات تربويه عن طريق استشاريين تربويين وبرنامج ينزلونه على الكمبيوتر في البيت
العرض حلو ومفيد لكن السعر خيالي..