استفسار لأهالي راس الخيمة

السلام عليكم ..

شحالكن خواتي ان شاءلله بخير ..

بغيت استفسر عن أحسن روضة خاصة في رأس الخيمة ابغي اسجل ولدي فيها .. بأي روضة تنصحوني ؟؟
والتسجيل في الخاص متى بيبدا ؟

راس الخيمه لمتحدثي الانجليزيه

رأس الخيمه الحديثه والتسجيل فيها15/4

ابغي احسن شي خاصة في التعامل .. هذا اول ولد عندي يروح المدرسة وخايفة عليه .. وماعرف مدارس راس الخيمة عدل ياريت اللي تعرف تفيدني .. والله يجازيكن خير

والله نفس الطلب

صن شاين
الحديثة
الرشاد

رأس الخيمه الحديثه والرشاد ما شاء الله التزام ويعلمون
القرآن بس المبنى شوي مب لين هناك ،
وإذا كنتي من أهل الظيت عندج مركز تطوير رياض الأطفال
هي حكوميه بس نفس نظام الخاص وتدفعين 1500 للأكل لأنهم
يطبخون أكل للأطفال ما يأكلونهم كاكاو وخرابيط ، يعني نظامهم حلو
والمبنى بعد حلو وألوان حلوه على الأرضيات والجدار
أنا بعد بدخل ولدي الروضه هالسنه إن شاء الله ولأني في الظيت
بدخله مركز التطوير والتسجيل اعتقد بتاريخ 9-3-2017
مكانهم عند المرور
يالله تعالي هناك يمكن نتشاوف
وبالتوفيق