اسهال

خواتي ولدي عمره 9 اشهر و عنده اسهال وبغيت اعرف اذا فيه شي اقدر اكله اياه عشان يوقف
وشكرا مقدما

عطيه موز .. شوي ايود البطن ..

اذا ما نفع وديه المستشفى ..

حاسبي عن الجفاف..

اذا ياكل طبيعي ويشرب سوائل .. واييه اسهال اصبري يومين وشوفي الوضع.

الموز اليابس والحليب اييبسون البطن وانا اعطي ولدي منه لما اييه اسهال بس مرات ما ينفع.

ولدي من اسبوع وهو في اسهال وكنت خلاص ناويه اوديه المستشفى بس من يومين اعتدل حاله وبدا يمشي بطنه مرتين بس .. قبل كان 6 ل 7 مرات وانا اتعب واخاف عليه والله..

بس بوديه احتياط باجر علشان اتاكد انه بخير. ما فيني يطلع فيه شي.

وبعدين هالاسهال منتشر وايد هالايام في الكبار والصغار..

انتي شوفي يومين واذا ما اعتدل الحال وديه وشوفي شو المشكله . علشان ما تاكلين في عمرج من كثر ما تفكرين.

السلام عليكم ورحمه الله

عزيزتي في عند العطارين ومال الاعشاب شي اسمه (مره) تنقعينه في ماي وتعطينه بالابره مالت الدواء زينه توقف الاسهال..

ماي العيش بعد ما يستوي •محلبية •روب مع ملعقة نشا

الله يشفيه