اسواق في مكة و المدينة

انا الاسبوع الياي رايحة العمرة و الصراحة أريدكم تخبروني عن الاسواق اللي في مكة و المدينة …
يمدحون الاكسسوارات و البدل …. اريد اسامي المحلات و أماكنهم ….و الصراحة اريد بعد (ادري زودتها ) افكار لاني اريد اخذ هدية حق خطيــــــــــــــــــــــبي

هلا اختي
اغلب الاشياء الحلوة في مكة تلقينها في المركز اللي تحت الفندق مثل اسواق مكه
والمدينه بعد اغلبية الفنادق تحتها اسوااق اللي هي مراكز وفيها محلات وايده ماذكر اساميهن
ومالا داعي نحدد لج مكان معين لانج يوم بتسيرين مكه والمدينه بتشوفين السوق جدامج وفي السوق وااااايد هدايا مثل الابواك اللي تنحتين عليها اسامي وميداليات والعطور وغيرها
والسموحه اتمنى اكون افدتج..

ابراج مكه فيه محلات حلووة شي عندهم محل عود مثل باريس غاليري ناسية اسمه بس وايد حلوو وعنده اشياء حلوة للهدايا
وتراج بتحوطين المركز كامل وبجوفين شوه اللي بيعيبج لاني بصراحة ماحيد المحلات اللي عندهم احيد محل العمودي وبقشان نتخبل يوم نسيرلهم كله قطع يوم نرد البلاد كل شنطنا قطع جنه ف البلاد ماشي قطع لووووول هاالمحلات اللي نتشرا منهن اكثر شي لانه ماتلقين عندهم اشياء حلوة اصلا ف بلادنا شي لبس وسوالف احلا عن اللي هناك عسب جيه ماحب اتشرا من عندهم
وف المدينه شي مركز عوود بعد مجابل الحرم ناسية اسمه عندهم اشياء حلوة

عمرة مقبوله مقدما:22 (22):

في بنات سعوديات عطوني اسم المراكز وبكتيها لج ان شاء الله

مشكورات يالغاليات …..
ريامي اتريا منج الاسامي ….
thanks again

المحل العود اللي يشبه باريس غاليري اسمه قزاز وبتحصلينه في كل مكان..
المدينه: مركز المدينة الدولي،محل دايل وايد حلوة اكسسواراته
مكه:سوق العزيزيه والستين ومركز الضيافة (تسيرينه بتاكسي)
الحرم: السوق المسقف،مسفلة،سوفتيل،

هلا والله انا من الطايف بجنب مكة وحبيت اساعدك
في مكة اسواق كثيرة مرة حلوة مثل سوق الضيافة والسلام اللي في شارع العزيزية وستي بلازا عموما شارع العزيزية كله اسواق مره حلووة وكمان فيه ستي ماكس والاسواق اللي في الابراج عند الحرم واتمنى اني اكون افدتك وياليت تزورونا في الطائف واي خدمة انا حاضرة