اشعه الصبغه وانسداد الأنبوب والمنظار ،،،

السلام عليكم

انا حملت اول مره حمل خارج الرحم ونزل روحه ومن هذاك الوقت مول ما حملت سنتين وشهرين فقررت الدكتوره تسويلي اشعه الصبغه وبالنسبة للألم كان فيه الم بس يحتمل مش انه يعورر وايد لكن فيه نغزات الدوره ،،،

طلع عني أنبوب مفتوح والثاني مش مفتوح وتضايقت وايد وايد الحمدلله على كل حال

الحين انا قلت للدكتوره بسوي منظار يشيل الانسداد قالت لي مب لازم لانه عندج واحد سليم وعادي تحملين وبعطيج منشطات وجيه ،، اللي اعرفه انه مبيض الأنبوب المسكر انشط واغلب شي البويضات تنزل منه وما يستوي حمل لانه مسكر والأنبوب الثاني مفتوح بس ما حملت منه بعد

فمب عارفه شو أسوي والله أخاف أسوي منظار واندم وأخاف ماسويه وبعد اندم وما حمل على أنبوبه وحده شو أسوي بنات ساعدوني اللي عندها خبره
الحمدلله

ربي يفرجها عليكي و علينا … اختي عندك بإذن الله فرصة للحمل بس تحتاج وقت عشان الانبوب المسكر … لكن والله العليم مع المنشطات الفرصة بتزيد ان شالله … انا رأيي تعطي نفسك فرصة قبل المنظار و تاخدي منشطات لفترة وما تفكري بموضوع الحمل وان شالله قريبا بتسيري ام ..

يارب يسر امورج وامورنا

ويرزقنا بالحمل السليم المعافى

حبيبتي ربي يرزقج
بس ليش ما تروحين عند وحده تمسحج
يمكن سبحان الله
اصحاب الخبره هم ادرى من الدكاتره

اذا تقدرين تسوين منظار ومافيها تعب ولا خطورة عليج توكلي على الله وسويها

اول جربي المنشطات
واذامافي فايدة
توكلي على اللهوسوي منظار
وربي يرزقنا بالذريه الصالحه

راي من راي الاخوات
جربي المنشطات واذا ما نفعت (ان شاء الله تنفع وياج)
سوي المنظار
الله يسر امورج ويرزقج بالذريه الصالحه