اصحاب الخبرة رجاء

مرحبا خواتي .. ياريت تعطوني حل بخصوص بنتي الرضيعة . انا بعد كم يوم ببدا اداوم و بنتي مش راضية ترضع من المرضاعة .. حاولت بكل الطرق اجوعها .. و غيرت المرضاعة .. استخدمت نوعين من الحليب و ما في ابد تجاوب منها.. تصيح فوق النص ساعة لين اخر شي اسلم الامر و ارضعها من صدري … بليز بنات الي عندها حل او تجربة سابقة تفيدني فيها… رجاء و شكرا و كلي امل القى الحل معكن خواتي ..

حاولي تحطين لها شوية عسل على المرضعه عصب تمصها او تلصقين قطعه صغييييييرة من السح ( التمر)
بس لو كلته ورجعت تصيح لا تردين تحطين لها جي بتتعود ما تمص الا بالعسل او التمر … وإن شالله تمص وترتاحين… حاولي تغيرين موضع المرضعه خليها على نص لسانها او فوق اللسان فالحلق… ما ادري جان فهمتي علي…

الله يعينج كان المفروض تعودينها من البداية >.<
ولدي كان جي وما فادت وياي أي طريقة << احباط!! صح اني ما اداوم بس بعد لعوزة كل شوي اعطيه صدري >.<
وعالثاني ناوية أعلمه عالمرضاعة من أول اسبوع!!!

جربي يوعيها وخلي حد غيرج يعطيها المرضاعة وانتي بعيدة يمكن تتقبل؟؟
((العسل سمعت انه مب زين للياهل قبل السنة، تأكدي قبل لا تجربين))

واذا عمرها شوي كبير جربي الأكواب اللي تنباع لليهال يمكن تتقبها أكثر عن المرضاعة العادية
ولو عمرها يسمح ممكن تبدين معاها الأكل، عالاقل لو ما شربت حليب تاكل شي وانتي مب موجودة

ربي يوفقج أختي

لا حول ولا قوة إلا بالله

حطي حلمة صناعيه علي صدرج وخليها ترضع اول مره بتصيييييييييييح لا تهتمين "بس عقب بتتعود وبتاخد المرضاعه"

شكرا خواتي ما تقصرون …

جربي مرضعه tomee tippee من تويز ار اس ويقولون يابوها فالجمعيه

تشبه شكل الصدر وان شاءالله تتقبلها