الصراحة انا عتبانه عليكم يا سيدات الامارات وانا من زمان ودي اكتب على الي صارلي ويا مستشفى الامارات بس للاسف كنتوا موقفين التسجيل وقتها ..فأبغيكم تقرون قصتي ويا ها المستشفى وتخبروني هل من حقي اني اعتب عليكم.. بس اكيد ما اقدر ازعل عليكم لاني والله احبكم واحب اقرأ مواضيعكم ..
انا تقريبا قبل 3 شهور كنت ادور على مستشفى اسوي فيها اطفال الالنابيب تكون زينه ومعروفه وانا ادور قريت موضوع ملف اطفال الانابيب هني في المنتدى والي لاحظته في الموضوع ان اغلب الحريم يتعالجون في مستشفى الامارات >>وهذا الي شجعني اني اسير هاي المستشفى ..للاسف
اول مقابله كانت وياالدكتورة ..تتطمنت وارتحت وياها لاني قلتلها اني اباج انتي تسويلي كل شي ما ابغي الدكتور قالت انا بسويلك كل شي وقلتلها حتى العملية وترجيع الاجنة قالت كل شي انا بسويلك اياه اذا تبين >>تمام
اول مقابله كانت يوم السبت وبعد المقابله ويالدكتورة كتبتلي الممرضة على الادوية الي اييبها من مشتشفى خليفة ومستشفى الكورنيش ..بس يوم السبت مستشفى خليفة صيدليتهم مغلقة بس صيدلية الطوارئ مفتوحة ..فقالتلي الممرضة ييبي الدواء من صيدليتنا لان لازم تاخذين الابرة الاولى اليوم قلت طيب وسرت الصيدلية وانصدمت من سعر الابرة 1200 درهم يعني بدفع 600 درهم ..فتصلت على المستشفى قبل ما ارجعلهم وسألتهم اذا تقدرون تعطوني الابرة من عندكم وثاني يوم ارجعها >> انا سالتهم لاني اعرف ان المستشفيات يسوون هاي الطريقة في بعض الحالات ..فردت علي وحده سورية او لبنانية وقالت هيه يصير تعالي ..لمن رجعتلهم سارت السورية وخبرت الممرضة فقالت الممرضة لا ما يصير فتخاصموا مع بعض وقالت ما عليك منها انا بطلب مسؤلة الادوية وبكلمها قلتلها ماله داعي انا ما اريد اسويلج مشاكل قالت انتي مو اول وحده نعطيها او نسوي معها هاي الحركة ..لمن يات مسؤلة الادوية وسالتها قالت هيه يصير ودخلتني على طول من دون أي مشاكل وعطتني الابرة وقالت اول ما تستلمين الادوية رجعي الابرة.. >>شي غريب
ثاني يوم استلمت الادوية وطلعت في ادوية مو متوفرة في مستشفى خليفة ومسنشفى الكورنيش سرت الصيدلية وسألت عن اسعارهم وقالولي 3000 درهم يعني بدفع 1500 درهم اتصلت على مستشفى توام قالولي الدواء الاول متوفر بس الثاني في له بديل وعطاني اسم الدواء البديل قلت بسال الدكتورة اذا ينفع اخذه او لا.. رجعت للمستشفى وطلبت الدكتورة قالت لي الممرضة الخايسة الدكتورة مو موجودة قلتلها اتصلي عليها وكلميها عن الدواء اذا اقدر اخذ البديل او لا .. قامت حضرتها وتفلسفت وقالت لا ما يصير وشرحتلي ليش وانا اقتنعت من كلامها بس ريلي قالي لا تريي باجر وسالي الدكتورة هاي شو عرفها ..لمن ييتهم ثاني يوم لان عندي مراجعه وسألت الدكتورة عن الدواء البديل اقدر اخذه قالت هيه يصير بدون أي تردد قالت للممرضة غيري لها الدواء انا انصدمت وقلت للدكتورة ايش قالتلي الممرضة طبعا الكتورة هزبت الممرضة وبعدها المممرضة صج حطتني براسها ..
على كل مراجعة ادخل وانزل ما اعرف شو السالفة.. الدكتورة تكشف علي وتخلص شغلها وتسير وانا ما عرف شو وضعي او حالتي..بعد كم مراجعه طلبت يوضحولي شو وضعي وما قصروا شرحولي وقلتهم الصراحة انا احس نفسيتي تعبانه من الممرضات وطريقة مراجعتكم ونص العلاج النفسية …لا حياة لمن تنادي
وصلنا ليوم العملية ..طلعوني فوق وعطوني لباس العملية الي مو تحته شي ودوني في ممر فيه اسره وبين كل سرير وسرير ستاره ..كنت انتظر دوري لان الدكتور يسوي العمليات للحريم وبقيت انا اخر وحده لاني طلبت الدكتورة ..شوي وانا اسمع صوت الدكتور في الممر ويسأل من بقى وخبروه عني فقال وينها وفتح الستارة يعني ما عطاني مجال اني اسوي شي ..على طول تغشيت بالحاف ويقولي كيف حالك مدام وبعدها سار..سبحان الله قبل ما يفتح الستاره من صوته كنت احسه انه هو عندي فغطيت جسمي كامل ما عدا راسي ..يالله الستر ..وبعدها على طول دخلت غرفة العمليات وجسمي يرتجف والموجودين في الغرفة كملوا الناقص الي ترفع ملابسي والي ترفعني وانا اقلهم تريو اشوي ما حد يسمعني كاني ما عندي احساس وبعدها عطوني البنج وما حسيت بشي الله العالم شو سوو فيني ..الله يستر
وفي يوم الترجيع الاجنة>> رايحة المستشفى وانا فرحانه ومستانسة>> وكنت مجهزه عندهم ولابسة لباس العمليات وطبعا تميت اخر وحده لاني طالبه الدكتورة وبعد ما دخلت غرفة العمليات وكنت جاهزة بس انتظر الدكتورة تدخل ..ما ادري إلا والدكتور دخل وهو على راسي خلاص انا بنجن في لحظتها.. وقمت اصارخ عليه واقله اطلع برى وهو منصدم مني وتم واقف كانه يستهبل ومو عارف شو السالفة وشوي خرج من الغرفة وانا خلاص تميت اخاصم واقول كلام كثير تتخيلون معاي الموقف انا ما على راسي أي شي حتى كنت احط يداتي على راسي واحاول استر نفسي ووالقطعة الي علي يالله الستر اعتبر نفسي ما علي أي شي خلااااااص انا كنت بتجنن >>> وقمت اقولهم ترى انا مو اول مره ادخل غرفة اسوي عملية فيها انا دخلت اربع مرات وثلاث مرات كان دكتور يسويلي العملية بس والله كان ما يشوف فيني الا مكان الترجيع وكانوا الممرضات يغطوني كامل حتى راسي لاني كنت اطلب منهم ان وجهي ما ابغاه الدكتور يشوفه كانوا يسون طريقة بحيث انه الدكتور ما يشوف وجهي ((تشوفون كيف يفكرون براحت المريض وكانوا المممرضات** اجنبيات**)) ام في هاي المستشفى كانت الممرضة لبنانية على راسي وكانت مصدومه بالي سواه الدكتور حتى ما قدرت تتكلم بس الي قدرت عليه تقولي فكري بالاجنة الي بيحطونها فيج وكانت تحاول تهديني وانا كنت احاول اهدى صج لاني قلبي متعلق بالاجنة ولمن دخلت الدكتورة قامت ترفع بملابس وتاخذ راحتها على الاخير وترفع لباس العملية الين بطني والممرضة على راسي كاني ما عندي احساس ولا حياء ولا شي حسبي الله عليهم وانا احاول اهدي نفسي لان ما راح استفيد شي في لحظتها قلت اصبر ..وشوي اشوف االدكتورة تغطيني وتغطي رجولي استغربت قلت يمكن حست فيني وقمت اتشكرها >> وشوي اشوف هندي داخل علي ومعاه الانبوب الي فيه الاجنة خلاص انا قمت اصرخ شو هاي المصخره بسرعة الهندي عطاها الانبوب وخرج >>>خلاص انا اعصابي تعبانه رجعولي الاجنة من هنا وانا من هنا ابكي >>>أسألكم بالله كيف هي الاجنة بتعيش وانا كنت نفسيا تعبانه ونزلت من غرفة العمليات وانا اصارخ عليهم وابكي وكلمت ريلي وخبرته وطلب مدير المستشفى علشان يشتكي اولاااااا على الدكتور و ثانيا على الهندي الي دخل علي لان من حقي يخبروني بالموضوع ..فياتني وحده مسوله لبنانية وشرحتها الي صار قالت اولا الدكتور في حركة فتح الستارة هو متعود يسويها مع مرضاه ..اقلها شو متعود ما يعرف عادات هالبلاد وبعدين اغلب المرضى الي عنده مواطنين >> كلام فاضي ..المهم صار كلام كثير بيني وبينها وهي تحاول تهديني وتقولي امسحيها بوجهي وتستسمح وخرجت من عندهم وان جدا تعبانه حتى ما ارتحت بعد الترجيع عل طول خرجت من عندهم ..
وبعد ترجيع الاجنة قالولي كل بعد 3 ايام اسوي تحليل عندهم والله هلكوني وانا سايره وراده ويوم جاء يوم التأكيد اني حامل او لا.. طلعت النتيجة عندي النسبة جدا ضعيفة فكملت معهم اسبوع على امل ان هالنسبة تنرفع بس لاسف ما ارتفعت وفوقفت الحبوب وبعدها نزلت الدورة يعني قعدت تقريبا ثلاث اسابيع وانا سايره وراده على التحاليل >> احسهم يبون يطلعون فلوس باي طريقة((نصاااابين ))
والحين مو من حقي اعتب عليكن يا سيدات الامارات لان وانا كنت اقرأ موضوع ملف اطفال الانابيب كنت اتابع معاكم خطوه بخطوه بس بدون ما اشاركم لان في وقتها كان التسجيل موقف وانا كنت تقريبا وياكم او قريبه منكم حتى لدرجة احس اني بشوف أي وحده منكم في المستشفى ..فكنت استغرب ليش انا بس الي يصيرلي هالمواقف معاهم فالبداية كنت أهدي نفسي ..بس على الي صارلي اخر شي في غرفة العمليات مستحيل انا الوحدي بس اكيد انتوا بعد صاركم يمكن دخلت الدكتور لا.. بس الهندي مال المختبر اكيد دخل عليكم >>انا الي زعلني في الموضوع ما احد تكلم في ها الشي >>> ليش ؟؟؟؟ ..والله لو أي وحده تكلمت من قبل عن تجرتها بكل صراحة مارحت هالمستشفى الي امكانيتها جدااا ضعيفة مقارنتا مع المستشفيات الي تعالجت فيها ..
وان شاء الله الحين انا برجع لدكتوري محمد خليل وفى في مستشفى النور سويت معاه ثلاث محاولات وما شاء الله الثالثة نجحت والله رزقني بولد
وختاما ..اي وحده تعرف عن الدكتور محمد خليل وفى حاليا هل زين ام تخبرني اله يجزاها بالجنة
وادعولي الله يرزقني بمولد الصالح المعافى
والسمحولي طولت عليكم وااااااايد
ومتى ما الله راااد انج تحملين بتحملين ان شاء الله ..
كل مستشفى فيه الزين وفيه الشين .. حتى لو مدحوولج يااه من اليوم لين باجر اكيد فيه عييب
عااد انتي وحظج .. شي دكاترة زينين وشي دكااترة يسدون النفس
والظاهر انتي مايووج غير اللي يسدون النفس ..
ويمكن خيرة .. يمكن ربج ما كان كاتب لج الحمل هالفترة ..
الله يرزقج الذرية الصالحة المعافاة عاجل غير آجل 
الصراحه تلعوزتي الله يعينج لو انا كنت بنهار نفسيا