اظهار صور جلو كباب ايراني من مطبخي وبالصور ،

السلام عليكم حبايبي

اقدم لكم جلو كباب ايراني على طريقة المطاعم الايرانيه وبنفس الطعم

اليوم سويتها على الافطار .. وطبعا لان بعض العضوات طلبو الطريقة مني

ووعدتهم بطرحه مع الصور

ان شاءلله تعجبكم .. واكيد بتعجبكم

نبتدي باسم الله

ونفرم اللحم مع قليل من الشحم يستحسن فخذ والظهر استرالي
منزوع عنه الشحم وعدم رمي الشحم لاستخدامه وفرمه في ما بعد ع اللحم
عقب ما نفرم اللحم اول مره نفرم نص كميه الشحم فوقه
نصه ومب كله ( اطلبي من اللحام يفصل الفخذ من العظم والشحم )
وعدم رمي الشحم لانهج تبينه عشان تفرمين النص منه مع اللحم

نفرم بالاول 5 بصلات كبيره بالفرامه

ونفرم اللحم مع قليل من الشحم

نفرم اللحم مره ثانيه حتى يصبح ناعم

نحط البصل المفروم في مصفاة ونضغط عليه حتى ينشف جيدا
ونسكب سائل البصل لان لا نحتاجه ولان اذا اضفناه على اللحم ما بيثبته على الاسياخ

نغسل الخضره المكونه من شدة بقدونس ونص شدة شبنت

ونفرمه بنفس اللحظه بالفرامه على اللحم

ونخلطهم مع بعض لمدة 10 دقايق

ونضيف ملعقه من بهارات مخلوطه وملعقه وربع ملح وملعقتين بكربونات الصودا

ونشويهم ع الفحم ونسيخ طماط وبصل ( لزوم الاكله هههه )

ولازم يوم نحطه ع الفحم نحركه كل 20 ثانيه

يمي يمممممي

وهالصحن مع عيش بالزعفران وزبده سائحه

جربوها بتعجبكم ان شاءلله