اعاني ف السمنه وانا بعدني صغيره

السلام عليكم ورحمة الله وبركاته
شحاااااااالكم ياحلوين ؟

على كل حال ، مديمن حآلكنَ آلطيبآت

مشكلتي ف سمنه منذ طفولتي وانا اعاني فيها
بالاول بقولكم عني

الطول : 170 * ماشاءالله*
العمر : 15
الوزن لللاسف : 90 تقريبا جيه وصل اظنيَ، ماصرت ابداً احب اني اوزن عمري ولا اشوف

وصرت اتعقد ف لبس وخصوصا اني ف سن المراهقه واحب اللبس والموضه وجيه ، صح اني البس واكشخ بس مب مثل ربيعاتي او بالاخص اختي ماشاءالله عليها لو راحت الكبت ع طول تشل تيشيرت وبنطلون لانه اي شي يليق ع جسمها
وابوي يحاول معاي اضعف ودوم يقولي روحيي تمشي اروح اتمشى تقريبا ساعه صوب بيتنا وللعلم دايماً انا وربيعاتي نحوط وجيه ف كورنيش يعني المفروض ضعفت بس ماشوف ولا تغيير بس مشكلتي انه ف الاكل سريعه وايد وابوي يقول هالشي يأثر ع الهضم ، واباكم تساااعدوني كيف ابدأ بالرجيم وبالضبط شو اككككل وشو ما اكل ولمدة كم يبالييييي

اتريــا ردودكم خواتيي

سيري عند اخصائية تغدية احسن هي بتعطيج اكل صحي ومتوازن

لانج بعدج في مرحلة نمو

والحرمان بياثر ع بشرتج وشعرج

عن نفسي اسوي رجيم النقاط هو حلو ومتنوع

بس انتي الافضل لج دكترة تغذية

ولالالالالالازم تنظمين اكلج وتاكلين شوي شوي

واهم شي بعد الرياضة امشي يوميا مشي سريع مب مشي دلع ع الكورنيش

وكثري من شرب الماي

ع الريج 2 كوب ماء -يفيد في حرق السعرات الحرارية –

قبل كل وجبة تقريبا بعد 2 كوب ماء

وبعد عندج تقدرين تاكلين الريوق والغداء عادي بس لاتتعشين

واذا يعن كلي علبة روب صغيرة او حبة فاكهة او خضرة

وان شاء الله تضعفين

وتذكري لذة الاكل ساعه لكن لذة الرشاقة تبقى طول العمر

سيري عند اخصائيه تغذيه دامج توج صغيره

وربي يوفقج

وانا جيه اباا اسير دكتوره بس ابوي يقول انتي بعدج صغيره ولازم تحافظين ع عمرج بروحج بدون لا دكتوره ولا شي وهو يعصبببب عليه دوم كله يقولي سيري سوي رياضه ، والمشكله يقارني ب الطلاب الي يدربهم ترا هو مدرب ف نادي ف يتم يقولي شباب عندي جيه وجيه ولو واحد متن بس كيلو تستويله مشاكل .. للعلم انا مب دوم اتريق والماي ماشربه لدرجه اروم اتم يومين بدون ماشرب ماي جيه متعوده
ولو اتغدى اتغدى طبق وبس ، ومرات اتعشى مب دوووم يمكن مشكلتي ف سرعة الاكل ،، ع الاقل كم من دقيقه اتمشى بسرعه ؟ لانه توني الاحظ اني امشي مشي بطيء مامشي سريع

وشاكره ل ردج اختييي
عدواتج لي

ياليت لو ابوي يصدق انه عادي اروح دكتوره وانا صغيره ، يقول المفروض انتيي تهتمين بعمرج بروحج بدون دكتوره ، ويوم اقوله ابا يقولي اعتبريني انا الدكتور ونصيحتي هي روحي تمشي كل يوم ساعه و قللي من الاكل

ع فكره تدرين أنج نفس عمري وأنا بعد حابه أضعف وو أشتركت
فقروووب ماااكي للرشااقة والصحة بالصور لمدة 3 أساابيع ,, حماااس هالمرة غييير ^^
وؤجي حسييت حمااس وؤونااسه شو رياج تشتركين ويانا دامج قدي ف بنشجع بعض ؤجي ^^

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه